ସମ୍ବଲପୁର : ଗତ ୧ ରୁ ୩ ତାରିଖ ମଧ୍ୟରେ ସମ୍ବଲପୁର ରେଳ ଷ୍ଟେସନର ୟାର୍ଡ ଅଞ୍ଚଳରୁ ଗୁରୁତ୍ୱପୁର୍ଣ୍ଣ ରେଳବାଇ ସିଗନାଲ ଉପକରଣ ଓ ପଏଣ୍ଟ ୟୁନିଟ ଚୋରି ହୋଇଥିବାର ଏକାଧିକ ଅଭିଯୋଗ ହୋଇଥିଲା । ଏହି ଘଟଣାରେ ମାମଲା ରୁଜୁ କରି ଆରପିଏଫ ସମ୍ବଲପୁର ଓ ସିଆଇବି (ଆରପିଏଫ) ୟୁନିଟର ଏକ ସଂଯୁକ୍ତ ଦଳ ଘଟଣାର ତଦନ୍ତ କରୁଥିଲେ । ବିଭିନ୍ନ ପାରମ୍ପରିକ ଓ ଟେକନିକାଲ ସୁଚନା ଆଧାରରେ ୩ – ୪ ତାରିଖ ମଧ୍ୟରାତ୍ରିରେ ୩ ଜଣଙ୍କୁ ଧରାଯାଇଥିଲା । ସେମାନଙ୍କ ନିକଟରୁ ଚୋରି ହୋଇଥିବା ରେଳ ଉପକରଣ ଗୁଡିକୁ ଉଦ୍ଧାର କରାଯାଇଛି । ଏହି ଘଟଣାରେ ସଂପୃକ୍ତ ଅନ୍ୟ ୪ ଜଣ ଅଭିଯୁକ୍ତ ଫେରାର ରହିଥିବାବେଳେ ସେମାନଙ୍କୁ ମଧ୍ୟ ଧରିବାକୁ ପୁଲିସ ଚେଷ୍ଟା କରୁଛି । ଗିରଫ ହୋଇଥିବା ଅଭିଯୁକ୍ତମାନଙ୍କୁ ଗୁରୁବାର ଅଦାଲତକୁ ଚାଲାଣ କରାଯାଇଛି । ରେଳ ପରିସରରେ କୌଣସି ପ୍ରକାରର ସନ୍ଦେହଜନକ ଗତିବିଧି ନଜରକୁ ଆସିଲେ ଯାତ୍ରୀ ଓ ଜନତା ତୁରନ୍ତ ରେଳ ସୁରକ୍ଷାବଳକୁ ସୂଚନା ଦେବାକୁ ରେଳବାଇ ପକ୍ଷରୁ ଅନୁରୋଧ କରାଯାଇଛି ।
Popular Categories
Previous article
Next article