ରେଙ୍ଗାଲିକ୍ୟାମ୍ପ ୧୫/୧୧: ଦୀର୍ଘ ୪୦ବର୍ଷ ଧରି ଗୋଡ଼ଭଗା ଛକ ନିକଟ ରାସ୍ତା କଡ଼ରେ ଅନେକ ଗରିବ ଓ ଭୂମିହୀନ ପରିବାର ରହିଆସୁଛନ୍ତି l ସେମାନଙ୍କର ନିଜସ୍ୱ ରୟତି ଚାଷଜମି କି ଘରବାଡ଼ି ନାହିଁ l ନିଜର ଜୀବିକା ନିର୍ବାହ ପାଇଁ ନିକଟବର୍ତ୍ତୀ ଅଂଚଳ ଉପରେ ନିର୍ଭରଶୀଳ l ବର୍ତ୍ତମାନ ଓଡିଶା ସରକାରଙ୍କର ଗୋଡ଼ଭଗାରୁ ତୁରୁମ ରାସ୍ତାର ସମ୍ପ୍ରସାରଣ କାମ ପାଇଁ ସେମାନଙ୍କର ଘର ଗୁଡିକ ଭାଙ୍ଗିବା ପାଇଁ ନୋଟିସ ଲାଗିସାରିଛି ଓ ଆଉ ଅଳ୍ପଦିନରେ ସେମାନଙ୍କର ଘରଗୁଡିକ ଭଙ୍ଗାଯିବାକୁ ଥିବାରୁ ସେମାନଙ୍କ ରହିବାପାଇଁ ବିକଳ୍ପ ବ୍ୟବସ୍ଥା ନ ଥିବାରୁ ଘରେ ଥିବା ବୃଦ୍ଧ, ବୃଦ୍ଧା ଓ ଛୋଟ ଶିଶୁ ମାନେ ଅନେକ ସମସ୍ୟାର ସମ୍ମୁଖୀନ ହେବା ସହ ବାସହୀନ ହେବା ସହ ବହୁ କଷ୍ଟ ଭୋଗିବେ l ଉନ୍ନୟନ କାମକୁ ସମର୍ଥନ ଜଣାଇ ରାସ୍ତା ସମ୍ପ୍ରସାରଣ ପାଇଁ ବିସ୍ଥାପିତ ବାସହୀନ ଭୂମିହୀନ ପରିବାର ଆଗରୁ ବିକଳ୍ପ ସମାଧାନ ପାଇଁ ଅନ୍ୟତ୍ର ଜମି ଚିହ୍ନଟ ସହ ସ୍ଥାୟୀ ଗୃହ ଅଧିକାର ପଟ୍ଟା ପ୍ରଦାନ ସହ ସେମାନଙ୍କୁ ପୁନଃସ୍ଥାପନ କରିବା ପାଇଁ ସ୍ଥାନୀୟ ରାଜସ୍ୱ ନିରୀକ୍ଷକ ଓ ତହସିଲଦାରଙ୍କୁ ଦାବିପତ୍ର ଦେଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ଜବାବ ମିଳିପାରିନାହିଁ l ସେଥିପାଇଁ ଆଜି ଏହି ବିଷୟରେ ମାନ୍ୟବ୍ୟର ଓଡିଶା ସରକାରଙ୍କ ରାଜସ୍ୱ ଓ ବିପର୍ଯୟ ମନ୍ତ୍ରୀ ଶ୍ରୀଯୁକ୍ତ ସୁରେଶ ପୂଜାରୀ ମହୋଦୟଙ୍କୁ ଭେଟି ସେମାନଙ୍କର ପୁନଃର୍ବାସ ନିମନ୍ତେ ସ୍ଥାୟୀ ଗୃହଅଧିକାର ପଟା ପ୍ରଦାନ ପାଇଁ ଏକ ଦାବିପତ୍ର ଦେଇଥିଲେ l ବିସ୍ଥାପିତ ହେବାକୁଥିବା ପରିବାରଙ୍କୁ ସମର୍ଥନ ଜଣାଇ ମା ମାହେଶ୍ୱରୀ ସେନାର ପ୍ରତିନିଧି କୁବେର ମହାକୁର, କ୍ଷୀରେଶ୍ୱର ପ୍ରଧାନ ପ୍ରମୁଖ ଦାବିପତ୍ର ଦେବା ସମୟରେ ଉପସ୍ଥିତ ଥିଲେ ।
Popular Categories
Previous article
Next article