ପାଟଣା : ପାଟଣା ବ୍ଲକ ଅଞ୍ଚଳ ତୁରୁମୁଙ୍ଗା ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଖିରେଇଟାଙ୍ଗିରୀ ନିକଟରେ ଦୁର୍ଘଟଣା ଘଟିଛି । କେନ୍ଦୁଝରରୁ ଏକ ଏଟିଏମ୍ ଟଙ୍କା ବୋଝେଇ ଭ୍ୟାନ୍ ସହ ବିପରୀତ ଦିଗରୁ ଆସୁଥିବା ଏକ ଅଲ୍ଟୋ କାର ଡିଭାଇଡର ଡେଇଁ ଭ୍ୟାନ ସହ ମୁହାଁ ମୁହିଁ ଧକ୍କା ହେବା ଫଳରେ ଅଲ୍ଟୋରେ ଥିବା ୨ ଯାତ୍ରୀ ଗୁରୁତର ହୋଇଥିଲେ। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି କେନ୍ଦୁଝର ଜିଲ୍ଲା ଭେଷଜ ମହାବିଦ୍ୟାଳୟ ଚିକିତ୍ସାଳୟକୁ ସ୍ଥାନାନ୍ତର କରିଥିଲେ । ସେଠାରେ ଚିକିତ୍ସାଧୀନ ଅବସ୍ଥାରେ କାରରେ ଥିବା ଜଣେ ମହିଳାଙ୍କର ମୃତ୍ୟୁ ଘଟିଛି । ମୃତକ ମୟୁରଭଞ୍ଜ ଜିଲ୍ଲା ବଡ଼ ସାହୀ ଥାନା କେନ୍ଦୁଡିହା ଗ୍ରାମ ର ସବିତା ବେହେରା (୪୫) ବୋଲି ଜଣାପଡିଛି। ପରିବାର ସହ କାର ଯୋଗେ କେନ୍ଦୁଝର ଯାଉଥିବା ସମୟରେ ଏହି ଦୁର୍ଘଟଣା ଘଟିଛି। ଭ୍ୟାନଟି ଏଟିଏମକୁ ଟଙ୍କା ଭରିବାକୁ ଯାଉଥିବା ସମୟରେ ଏହି ଦୁର୍ଘଟଣା ଘଟିଥିଲା । କାର ଚାଳକ ଚିକିତ୍ସାଧୀନ ଅଛନ୍ତି । ଘଟଣାସ୍ଥଳରେ ତୁରୁମୁଙ୍ଗା ପୁଲିସ ପହଁଞ୍ଚି ପୁଲିସ ଉପସ୍ଥିତିରେ ଦୁର୍ଘଟଣା ଗ୍ରସ୍ତ ଗାଡିରୁ ଟଙ୍କାକୁ ଅନ୍ୟ ଏକ ଗାଡିରେ ସ୍ଥାନାନ୍ତର କରିଥିବା ଜଣାପଡିଛି।
Comments are closed.