ଜି.ଉଦୟଗିରି: କୃଷିବିଜ୍ଞାନ କେନ୍ଦ୍ର,କନ୍ଧମାଳ ତରଫରୁ ସ୍ଥାନୀୟ କୃଷିବିଜ୍ଞାନ କେନ୍ଦ୍ରର ତାଲିମ ଗୃହରେ କନ୍ଧମାଳ ଜିଲ୍ଲାସ୍ତରୀୟ କୃଷକ ଉତ୍ପାଦକ ସଙ୍ଗଠନକୁ ଶକ୍ତିଶାଳୀ କରିବା ଉଦ୍ଦେଶ୍ୟରେ ଏକ ବୈଠକ ଅନୁଷ୍ଠିତ ହୋଇଛି। ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ମୁଖ୍ୟ କୃଷି ଅଧିକାରୀ ତୁଷାରକାନ୍ତି ଡୁଙ୍ଗ ଯୋଗଦେଇ ବିଭାଗୀୟ ଯୋଜନା ବାବଦରେ ସୁଚନା ଦେବା ସହ କୃଷକ ଉତ୍ପାଦକ ଗୋଷ୍ଟୀ ମାନଙ୍କୁ ଚାଷୀମାନଙ୍କ ଦ୍ବାରା ସଠିକ ରୁପାୟନ କରିବାକୁ ପରାମର୍ଶ ଦେଇଥିଲେ। ଅନ୍ୟତମ ଅତିଥି ସହଯୋଗୀ ଉଦ୍ୟାନ ଅଧିକାରୀ ଜି.ଉଦୟଗିରି ସରୋଜ କୁମାର ସାହୁ ସମସ୍ତ ଗୋଷ୍ଟୀର କର୍ମକର୍ତ୍ତାଙ୍କୁ କିପରି ସୁପରିଚାଳନା କରିହେବ ସେ ନେଇ ସମ୍ୟକ ସୁଚନା ପ୍ରଦାନ କରିଥିଲେ। ଜିଲ୍ଲାସ୍ତରୀୟ ଅଧିକାରୀଙ୍କ ସହ ଯୋଗାଯୋଗ ରଖି ଜଣେ ଅନ୍ୟକୁ ସହଯୋଗ କରି ଆଗକୁ ବଢିବାକୁ ମୁଖ୍ୟ ବୈଜ୍ଞାନିକ ଡଃ.ନାରାୟଣ ବାର ପରାମର୍ଶ ଦେଇଥିଲେ।
Comments are closed.