ଜିମସାର ପକ୍ଷରୁ ସ୍ବାସ୍ଥ୍ୟ ଶିବିର

ଆଠଗଡ: ମାଧବପୁରସ୍ଥିତ ଜିମସାର ପକ୍ଷରୁ ଆଠଗଡ ବ୍ଲକର ରାଧାଗୋବିନ୍ଦପୁର ପଞ୍ଚାୟତ ଅଧିନ ଲକ୍ଷ୍ମୀନାରାୟଣପୁର ଗ୍ରାମରେ ଶନିବାର ଏକ ସ୍ବାସ୍ଥ୍ୟ ସେବା ଶିବିର ଅନୁଷ୍ଠିତ ହୋଇଯାଇଛି । ଲକ୍ଷ୍ମୀନାରାୟଣପୁର ୟୁଜିଏମଇ ସ୍କୁଲ ପରିସରରେ ଆୟୋଜିତ ଏହି ଶିବିରକୁ ଗୋପବନ୍ଧୁ ମେଡିକାଲର ମୁଖ୍ୟ ଚିକିତ୍ସାଧିକାରୀ ଡାକ୍ତର ପଦ୍ମ ଚରଣ ଦାଶ ଉଦଘାଟନ କରିଥିଲେ । ଡାକ୍ତର ଦାଶଙ୍କ ସମେତ ଡାକ୍ତର ବିକ୍ରମ ଷଡଙ୍ଗୀ ଓ ଡାକ୍ତର ଜି ଲୋହିତ କୁମାର ସ୍ବାସ୍ଥ୍ୟ ସେବା ଯୋଗାଇ ଦେଇଥିଲେ । ଡାକ୍ତରମାନେ ଲକ୍ଷ୍ମୀନାରାୟଣପୁର ଏବଂ ଆଖପାଖ ଅଞ୍ଚଳର ୧୧୨ ଜଣ ରୋଗୀଙ୍କ ସ୍ବାସ୍ଥ୍ୟ ପରୀକ୍ଷା କରି ଆବଶ୍ୟକୀୟ ପରାମର୍ଶ ଦେବା ସହ ସେମାନଙ୍କୁ ମାଗଣା ଔଷଧ ବିତରଣ କରାଯାଇଥିଲ। ଜିମସାରର ବିପିଓ ତପନ କୁମାର ବାରିକ, ବିପଣନ ପରିଚାଳକ ଶ୍ରୀହର୍ଷ ସାମଲ, ଫର୍ମାସିଷ୍ଟ ସ୍ନେହାଶିଷ ରଥ, ସେବିକା ହାସ୍ୟମୟୀ ପ୍ରଧାନ ଓ ମୋନାଲି ବାରିକ, ଡାଇଲିସିସ୍ ଟେକ୍ନିସିଆନ ସଞ୍ଜୟ କୁମାର ସାମଲ, ବିଏସସି ନର୍ସିଂ ଛାତ୍ର ସୋହମ ସତ୍ୟଜିତ ବେହେରା ଓ ସତ୍ଯ ସ୍ୱରୂପ ପଟ୍ଟନାୟକ, ସହାୟିକା ମାମାଲି ନାଏକ, ଆମ୍ବୁଲାନ୍ସ ଚାଳକ ସୁକାନ୍ତ ବାରିକ ଏବଂ ସ୍ଥାନୀୟ ଗ୍ରାମର ସ୍ୱେଚ୍ଛାସେବୀ ସନ୍ତୋଷ କୁମାର ପ୍ରଧାନ ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ।