କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗର ବନବିଭାଗ ପକ୍ଷରୁ କାର୍ଯ୍ୟାଳୟ ନିକଟରେ ଥିବା ପଡ଼ିଆରେ ଭଲିବଲ ଫାଇନାଲ ପ୍ରତିଯୋଗିତାରେ କଲ୍ୟାଣସିଂହପୁର ଦଳ ଚମ୍ପିୟାନ ହୋଇଛି। ଶିକରପାଇ ଦଳକୁ ପରାସ୍ତ କରି କଲ୍ୟାଣସିଂହପୁର ଦଳ ଫାଇନାଲରେ ପ୍ରବେଶ କରିଥିବା ବେଳେ ବୁଡ଼ାଗୁଡା ଦଳ ଧାମୁଣିପଙ୍ଗାକୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲା। ଫାଇନାଲରେ ବୁଡ଼ାଗୁଡା କୁ ୧୫ ପଏଣ୍ଟରେ ହରାଇ କଲ୍ୟାଣସିଂହପୁର ଚମ୍ପିୟାନ ହୋଇଛି। ମୂଖ୍ୟ ଅତିଥି ଭାବେ ଜିଲା ପରିଷଦ ସଦସ୍ୟ ବାରାଟମ ୱାରା ପ୍ରସାଦ ରାଓ ଯୋଗ ଦେଇ କଲ୍ୟାଣସିଂହପୁରକୁ ଟ୍ରଫି ସହ ୬ହଜାର ଟଙ୍କା, ବୁଡ଼ାଗୁଡା ଉପ ବିଜେତାକୁ ୪ହଜାର ଟଙ୍କା ସହ ଟ୍ରଫି, ଭଲ ନେଟର ସନ୍ତୋଷ ଜାନି ଓ ଭଲ ହିଟର ଚିଣ୍ଟୁ ତ୍ରିପାଠୀକୁ ୫୦୧ଟଙ୍କା ଲେଖାଏଁ ପ୍ରଦାନ କରିଥିଲେ।
Comments are closed.