ଜି.ଉଦୟଗିରି: ସାତଦିନ ଧରି ଜଗତ ଜନନୀ ମା’ ଦୁର୍ଗା ଜି.ଉଦୟଗିରି ସହରର ପୂଜା ମଣ୍ଡପରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଥିଲେ। ମଙ୍ଗଳବାର ସନ୍ଧ୍ୟା ସମୟରେ ପୂଜା ମଣ୍ଡପରୁ ବାହାରି ବିଦାୟ ନେଇଛନ୍ତି ମା’ ଦଶଭୂଜା। ମା’ଙ୍କୁ ଦର୍ଶନ କରିବା ପାଇଁ ମଣ୍ଡପ ନିକଟରେ ସବୁଦିନେ ଶ୍ରଦ୍ଧାଳୁଙ୍କ ଭିଡ଼ ଜମୁଥିବା ବେଳେ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମର ବ୍ୟବସ୍ଥା ମଧ୍ୟ କରାଯାଇଥିଲା। ପ୍ରତ୍ୟେକ ଦିନ ନିତିନୀୟମ ପ୍ରକାରେ ପୁରୋହିତଙ୍କ ଦ୍ବାରା ଚଣ୍ଡିପାଠ ସହ ପୁଜାର୍ଚ୍ଚନା କରାଯାଉଥିଲା। ଆଜି ମା’ଙ୍କୁ ଖୋଳ, ତାଳ ସମ୍ବଲପୁରୀ ଢୋଲକୀ ବାଦ୍ୟର ତାଳେ ତାଳେ ସହର ପରିକ୍ରମା କରାଯାଇ ମେଲାଣି ଦେଇଥିଲେ ଭକ୍ତ। ମା’ଙ୍କ ଭଷାଣୀ ଶୋଭାଯାତ୍ରା ଦେଖିବା ପାଇଁ ସହରରେ ପ୍ରବଳ ଜନ ସମାଗମ ହୋଇଥିଲା। ଭଷାଣୀ ଶୋଭାଯାତ୍ରା ଯାଉଥିଲା ବେଳେ ଶ୍ରଦ୍ଧାଳୁ ମାନେ ଲୋତକ ଭରା ନୟନରେ ବିଦାୟ ଦେଇ ପୁଣି ଆସନ୍ତା ବର୍ଷକୁ ଅପେକ୍ଷା କରିଥିବା ଜଣାପଡିଥିଲା।
Comments are closed.