ସମ୍ବଲପୁର: ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ଇଚ୍ଛାପୁର ସରପଞ୍ଚ ପ୍ରଶାନ୍ତ ସାହୁଙ୍କୁ ବ୍ଲକ ପରିସରରେ ମରଣାନ୍ତକ ଆକ୍ରମଣ କରାଯାଇଛି। ପଞ୍ଚାୟତବାସୀଙ୍କ ସମସ୍ୟାକୁ ଆଧାର କରି ନିଜର ଦାୟିତ୍ୱ ସମ୍ପାଦନା କରୁଥିବା ବେଳେ କିଛି ବ୍ୟକ୍ତି ତାଙ୍କୁ ଆକ୍ରମଣ କରି ଲହୁଲୁହାଣ କରିବା ଘଟଣାକୁ ରାଷ୍ଟ୍ରୀୟ ଗ୍ରାମ ପ୍ରଧାନ ସରପଞ୍ଚ ସଙ୍ଗଠନ ଓଙ୍ଗିଶା ଶାଖା ପକ୍ଷରୁ ତୀବ୍ର ନିନ୍ଦା କରାଯିବା ସହିତ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ ଦାବି କରାଯାଇଛି। ତୃଣମୂଳ ସ୍ତରରେ କାର୍ଯ୍ୟ କରୁଥିବା ଜନ ପ୍ରତିନିଧି ମାନଙ୍କୁ ଏଭଳି ଆକ୍ରମଣ ଆଦୌ ଗ୍ରହଣୀୟ ନୁହେଁ। ବର୍ତ୍ତମାନ ତାଙ୍କର ଅବସ୍ଥା ଗୁରୁତର ଥିବା ବେଳେ ସେ ବୁର୍ଲା ଭିମସାରରେ ଚିକିତ୍ସିତ ହେଉଛନ୍ତି। ସରପଞ୍ଚ ଙ୍କ ଆରୋଗ୍ୟ ପାଇଁ ଭିମସାର କତ୍ତୃପକ୍ଷଙ୍କ ସରପଞ୍ଚ ସଙ୍ଗଠନ ସହଯୋଗ ଲୋଡିବା ସହିତ ଜିଲା ପୁଲିସ ଘଟଣାର ତଦନ୍ତ କରି ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବାକୁ ସଙ୍ଗଠନର ରାଜ୍ୟ ସଭାପତି ରବି ରଥ ଓ ସମ୍ପାଦକ ଡା. ରାଜାରାମ ଷଡଙ୍ଗୀ ଦାବି କରିଛନ୍ତି।
Popular Categories
Previous article
Next article