ପିପିଲି: ପବିତ୍ର ରଥଯାତ୍ରା ଉପଲକ୍ଷେ ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ‘ରତ୍ନାଚିରା’ ପକ୍ଷରୁ ସାତଶଙ୍ଖ ଠାରେ ଆୟୋଜିତ ମାଗଣା ସ୍ୱାସ୍ଥ୍ୟସେବା ଶିବିରକୁ ରବିବାର ପୂର୍ବାହ୍ନରେ ସମାଜସେବୀ ଦାମୋଦର ମିଶ୍ର ଉଦ୍ଘାଟନ କରିଥିଲେ। ଭୁବନେଶ୍ୱରସ୍ଥିତ ନେତାଜୀ ସ୍କୁଲ ଓ କଲେଜ ଅଫ୍ ନର୍ସିଂର ମିଳିତ ସହଯୋଗରେ ଆୟୋଜିତ ଏହି ସ୍ୱାସ୍ଥ୍ୟସେବା ଶିବିର ରଥଯାତ୍ରା, ବାହୁଡାଯାତ୍ରା ଓ ସୁନାବେଶ ଆଦି ୩ଦିନ ଧରି ଅନୁଷ୍ଠିତ ହେବ ବୋଲି ‘ରତ୍ନାଚିରା’ ଅନୁଷ୍ଠାନର ସଂପାଦକ ଦେବଦତ୍ତ ମିଶ୍ର, ସହସଂପାଦକ କିଶୋର ଚନ୍ଦ୍ର ପରିଡା, ମୁଖ୍ୟ ସଂଯୋଜକ ରମେଶ ଚନ୍ଦ୍ର ବାରିକ, ଉପସଭାପତି ପୀତବାସ ପରିଡା ଏବଂ ନେତାଜୀ ସ୍କୁଲ ଓ କଲେଜ ଅଫ୍ ନର୍ସିଂ ର ମୁଖ୍ୟ ପରିଚାଳକ ବିଜନ କୁମାର ଜେନା ସୂଚନା ଦେଇଛନ୍ତି । ଏହି ଶିବିରରେ ସ୍ୱେଚ୍ଛାସେବୀ ପ୍ରିୟଦର୍ଶିନୀ ଦାସ, ଜ୍ୟୋସ୍ନାରାଣୀ ଦାସଙ୍କ ସମେତ ନେତାଜୀ ସ୍କୁଲ ଓ କଲେଜ ଅଫ୍ ନର୍ସିଂର ଅଭିଜ୍ଞ ନର୍ସମାନଙ୍କ ଦ୍ୱାରା ପୁରୀଗାମୀ ପଥଚାରୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବା ସହ ସେବାକାର୍ଯ୍ୟ କରାଯାଉଥିବା ସୂଚନା ମିଳିଛି।
Popular Categories
Previous article
Next article