ବୌଦ୍ଧ: ‘ସମାଜ’ର ପ୍ରତିଷ୍ଠାତା ପଣ୍ଡିତ ଉତ୍କଳମଣି ଗୋପବନ୍ଧୁଙ୍କ ୯୬ତମ ଶ୍ରାଦ୍ଧବାର୍ଷିକୀ ବୌଦ୍ଧରେ ପାଳିତ ହୋଇଯାଇଛି। ସକାଳେ ଶ୍ରୀଶ୍ରୀ ଚନ୍ଦ୍ରଚୂଡ ମହାନଦୀ ଆଳତୀ ଘାଟଠାରେ ସ୍ୱର୍ଗତ ଗୋପବନ୍ଧୁ ଦାସଙ୍କ ଉଦ୍ଦେଶ୍ୟରେ ତିଳତର୍ପଣ ଅନୁଷ୍ଠିତ ହୋଇଥିଲା। ସମାଜର ଜିଲା ପ୍ରତିନିଧି ଶଶାଙ୍କ ଶେଖର ମିଶ୍ରଙ୍କ ଉପସ୍ଥିତିରେ ବ୍ରାହ୍ମଣ ସମାଜର ସଂପାଦକ ଦେବାଶିଷ ପୁରୋହିତ, ପଣ୍ଡିତ ମିନୁପ୍ରସାଦ ମିଶ୍ର, ସୂର୍ଯ୍ୟେନ୍ଦ୍ର ଶତପଥୀ ଓ ସଜ୍ଜନ କୁମାର ଅଗ୍ରୱାଲା ପ୍ରମୁଖ ଏଥିରେ ସାମିଲ ହୋଇଥିଲେ। ପରେ ଗୋପବନ୍ଧୁ ଛକଠାରେ ସ୍ଥାପିତ ପଣ୍ଡିତ ଉତ୍କଳମଣି ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ସମାଜ ପକ୍ଷରୁ ମାଲ୍ୟାର୍ପଣ କରାଯାଇଥିଲା। ଅତିଥି ଭାବରେ ନଗରପାଳ ମୃତ୍ୟୁଞ୍ଜୟ ମିଶ୍ର, ଜିଲା ସୂଚନା ଓ ଲୋକସଂପର୍କ ଅଧିକାରୀ ରିତାକାନ୍ତି ବଳିୟାରସିଂହ, ବରିଷ୍ଠ ଆଇନଜିବୀ ତାରେଣି ମହାପାତ୍ର, ନାଗରିକ କମିଟି ସଂପାଦକ ବିଶ୍ୱେଶ୍ୱର ପୃଷ୍ଟି, ଜିଲା ସାମ୍ବଦିକ ସଂଘର ସଂପାଦକ ରବୀନ୍ଦ୍ର କୁମାର ପଟ୍ଟନାୟକ, ଅବସରପ୍ରାପ୍ତ ପ୍ରଧାନିକ୍ଷକ ଶ୍ରୀନିବାସ ମିଶ୍ର, ପତଞ୍ଜଳି ଯୋଗ ସମିତିର ସଭାପତି ଦେବାଶିଷ ପୁରୋହିତ, ସଜ୍ଜନ କୁମାର ଅଗ୍ରୱାଲା ଓ ଧବଳେଶ୍ୱର ମହାପାତ୍ର ପ୍ରମୁଖ ଯୋଗଦେଇ ଗୋପବନ୍ଧୁଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାସୁମନ ଅର୍ପଣ କରିଥିଲେ। ମଧ୍ୟାହ୍ନରେ ସମାଜ ପକ୍ଷରୁ ହରଭଙ୍ଗା ବ୍ଲକ ଝାଡରାଜିଂସ୍ଥିତ ବୃଦ୍ଧାଶ୍ରମର ୨୨ ଜଣ ଅନ୍ତେବାସୀଙ୍କୁ ଫଳ ଓ ମିଷ୍ଟାନ୍ନ ବଣ୍ଟନ କରାଯାଇଥିଲା। ସୂଚନା ଓ ଲୋକସଂପର୍କ ଅଧିକାରୀ ରିତାକାନ୍ତି ବଳିୟାରସିଂହ, ସମାଜସେବୀ ପ୍ରଣୟ କୁମାର ପାତ୍ର, ଦେବାଶିଷ ପୁରୋହିତ, ସଜ୍ଜନ କୁମାର ଅଗ୍ରୱାଲା ଓ ସମାଜ ଜିଲାପ୍ରତିନିଧି ଶଶାଙ୍କ ଶେଖର ମିଶ୍ର ବୃଦ୍ଧାଶ୍ରମର ଅନ୍ତେବାସୀଙ୍କୁ ଖାଦ୍ୟପୁଡିଆ ବଣ୍ଟନ କରିଥିଲେ। ବୃଦ୍ଧାଶ୍ରମର ସଂପାଦିକା ବାସନ୍ତୀ ନନ୍ଦ, ପ୍ରତିମା ମହାପାତ୍ର ଓ ସନ୍ତୋଷ କୁମାର ରାଉତ ସହଯୋଗ କରିଥିଲେ। ଏହି ଅବସରରେ ଦେବାଶିଷ ପୁରୋହିତ ବୃଦ୍ଧାଶ୍ରମର ଅନ୍ତେବାସୀମାନଙ୍କୁ ଯୋଗଶିକ୍ଷା ପ୍ରଦାନ କରିଥିଲେ।
Popular Categories
Previous article
Next article