ଲାଞ୍ଜିଗଡ: ରାୟଗଡା ପଟୁ ଦୃତଗତିରେ ଆସୁଥିବା ଏକ ଆଲୁମିନିୟମ ଗୁଣ୍ଡ ବୋଝେଇ ଟ୍ରକ ସାମ୍ନାପଟୁ ଆସୁଥିବା ଏକ ବାଲି ବୋଝେଇ ହାଇୱାକୁ ମୁହାଁମୁହିଁ ଧକ୍କା ଦେବା ଫଳରେ ହାଇୱା ଗାଡିର ସାମ୍ନାପଟ ଚୁରମାର ହୋଇଯାଇଛି। ଟ୍ରକ ଧକ୍କାରେ ହାଇୱା ଗାଡିର ଚାଳକ ଜୟପାଟଣା ଅଂଚଳର ଉମାକାନ୍ତ ଶବରଙ୍କ ଗୋଡ଼ ଭାଙ୍ଗିଯାଇଛି। ତାଙ୍କୁ ଗୁରୁତର ଭାବେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଏନେଇ ଖବର ପାଇବା ପରେ ସିକେରକୁପା ଫାଣ୍ଡି ଅଧିକାରୀ ମୀନକେତନ ଶବର, ପୁଲିସ କର୍ମଚାରୀ ଗୋକୁଳ ସାହୁ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଟ୍ରକକୁ ଜବତ କରି ତଦନ୍ତ କରୁଛନ୍ତି।
Comments are closed.