ଡେସ୍କ: ଭିଜିଲାନ୍ସ ଆୟ ବହିର୍ଭୁତ ସମ୍ପତ୍ତି ଠୁଳ ମାମଲାରେ ଇଡକୋର ମୁଖ୍ୟ ପରିଚାଳନା ନିର୍ଦ୍ଦେଶକ ଓଡିଶା ପ୍ରଶାସନିକ ଅଧିକାରୀ ସରୋଜକାନ୍ତ ମହାନ୍ତିଙ୍କୁ ଗିରଫ କରିଛି। ଆୟ ଠାରୁ ସେ ୧୫୩ ପ୍ରତିଶତ ଅଧିକ ମୂଲ୍ୟର ସମ୍ପତ୍ତି ହାତେଇଥିବା ଓଡିଶା ଭିଜିଲାନ୍ସ ସ୍ପଷ୍ଟ କରିଛି। ଦୁଇ ଦିନ ଧରି ଭିଜିଲାନ୍ସ ସରୋଜଙ୍କ ୭ଟି ଠିକଣାରେ ଚଢ଼ାଉ କରିଥିଲା।
ଭୁବନେଶ୍ୱର, କଟକ ଓ ଯାଜପୁରର ୭ଟି ସ୍ଥାନରେ ଚଢ଼ାଉ କରାଯାଇଥିଲା। ଚନ୍ଦ୍ରଶେଖରପୁର ଶୈଳଶ୍ରୀ ବିହାର ପ୍ଲଟ ନମ୍ବର ଜିଏ-୪୩୭ରେ ଥିବା ୩ ବିଏଚକେ ଘର, ବାରଙ୍ଗ ପାଟପୁରରେ ୩ ମହଲା ଫ୍ଲାଟ, ଧର୍ମଶାଳା ବ୍ରହ୍ମବରଦା ସ୍ଥିତ ପୈତୃକ ଘର, କଟକ ମହାନଦୀ ବିହାରରେ ଥିବା ୩ ମହଲା ଫ୍ଲାଟ, ଯାଜପୁର ଜାରକା ସ୍ଥିତ ଘର, ନୟାପଲ୍ଲୀ ଆଇଆରସି ଭିଲେଜ ଏନ-୪ରେ ସମ୍ପର୍କୀୟଙ୍କ ଘର ଏବଂ ଇଡ଼କୋ କାର୍ଯ୍ୟାଳୟରେ ଏକାକାଳୀନ ଚଢ଼ାଉ ବେଳେ ୧୦ଟି ଫ୍ଲାଟ, ବ୍ୟାଙ୍କ ଜମା, ୭୦ ଲକ୍ଷ ୫୫ ହଜାର ଟଙ୍କାର ବୀମା, ଗୋଟିଏ ୪ ଚକିଆ ଏବଂ ୨ଟି ଦୁଇ ଚକିଆ ଯାନ ସହ ୭୦୦ ଗ୍ରାମ ସୁନା ଅଳଙ୍କାର ଠାବ କରାଯାଇଛି।
Comments are closed.