ଫୁଲବାଣୀ: କନ୍ଧମାଳ ଜିଲା ଖଜୁରିପଡ଼ା ସ୍ଥିତ ସରକାରୀ ଉଚ୍ଚ ବିଦ୍ୟାଳୟରେ ଗତ ତିନିଦିନ ଧରି ଚାଲିଥିବା ଜିଲା ସ୍ତରୀୟ ବାଲ୍ ବୈଜ୍ଞାନିକ ପ୍ରଦର୍ଶନ ଉଦ୍ଯାପିତ ହୋଇଯାଇଛି। ଏଥିରେ ୧୨ଟି ବ୍ଳକର ପ୍ରାଥମିକ ଓ ମାଧ୍ୟମିକ ବିିଦ୍ୟାଳୟର ୬୦ଜଣ ଛାତ୍ରଛାତ୍ରୀ ବିଜ୍ଞାନ ପ୍ରକଳ୍ପ ପ୍ରଦର୍ଶନ କରିଥିଲେ। ସେଥି ମଧ୍ୟରୁ ରାଜ୍ୟ ସ୍ତରୀୟ କାର୍ଯ୍ୟକ୍ରମ ପାଇଁ ରାଇକିଆ ବ୍ଳକ ସୁଗୁଡ଼ାବାଲି ସରକାରୀ ଉଚ୍ଚ ବିଦ୍ୟାଳୟର ମୌସୁମୀ ନାୟକ, ଖଜୁରିପଡ଼ା ସରକାରୀ ଉଚ୍ଚ ବିଦ୍ୟାଳୟର ନିଷ୍ଣା ନିହାରିକା, ଫୁଲବାଣୀ ଏସ୍.ଏସ୍ ବିଦ୍ୟାପିଠର ଲିଙ୍କନ୍ ଭୂୟାଁ, ଫୁଲବାଣୀ ପବ୍ଳିକ୍ ସ୍କୁଲର ଛାତ୍ରୀ ପ୍ରଜ୍ଞା ପରିମିତା ସାହୁ, ତୁମୁଡ଼ିବନ୍ଧ ଲଙ୍କାଗଡ଼଼ ସରକାରୀ ଉଚ୍ଚ ବିଦ୍ୟାଳୟର କାଜଲ ପାଟମାଝୀଙ୍କ ପ୍ରକଳ୍ପ ଯୋଗ୍ୟ ବିବେଚିତ ହୋଇଛି। ବିଚାରକ ଭାବେ ଗିରିଜା ଶଙ୍କର ମହାପାତ୍ର ଓ ସୁଶାନ୍ତ ସାହୁ ଯୋଗ ଦେଇଥିଲେ।
Comments are closed.