କାମାକ୍ଷାନଗର: କାମାକ୍ଷାଗାର ଉପଖଣ୍ଡ ଭୁବନ ଥାନା ଅନ୍ତର୍ଗତ ବାଲିବୋ ପଞ୍ଚାୟତର ଗମରଗୋଡା ଗ୍ରାମରେ ଆଜି ଅପରାହ୍ନରେ ଗମରଗୋଡା ମୌଜା ନିକଟରେ ଥିବା ଏକ ପେଟ୍ରୋଲ ପମ୍ପ ନିକଟରେ ଯାଇଥିବା ୧୩୨ କେଭି ବିଦ୍ୟୁତ୍ ଟାୱାର ସଂସ୍ପର୍ଶରେ ଆସି ଏକ ଅଜଣା ବ୍ୟକ୍ତି ପୋଡ଼ିଯାଇଥିବା ଜଣାପଡିଛି। ଜଣେ ଅଜଣା ବ୍ୟକ୍ତି ଟାୱାର ଉପରକୁ ଚଢ଼ିବାକୁ ଚେଷ୍ଟା କରିବା ସମୟରେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଳିଯାଇ ତଳେ ପଡିଯାଇଥିବା କ୍ଷେତରେ କାମ କରୁଥିବା ଲୋକମାନଙ୍କ ଠାରୁ ଜଣାପଡିଛି। ଖବର ପାଇ ଭୁବନ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଗୁରୁତର ଭାବେ ଆହତ ହୋଇ ପଡ଼ିଥିବା ବ୍ୟକ୍ତିଙ୍କୁ ଉଦ୍ଧାର କରି ଗୋଷ୍ଠୀ ଚିକିତ୍ସା କେନ୍ଦ୍ରରେ ଭର୍ତି କରିଥିଲେ। ସେଠାରେ ଡାକ୍ତର ମୃତ ଘୋଷଣା କରିଛନ୍ତି। ପୁଲିସ ମୃତ ଦେହ ଜବତ କରି ତଦନ୍ତ କରୁଥିବା ଜଣାଯାଇଛି। ତେବେ ମୃତ ବ୍ୟକ୍ତି ଜଣକ ଘର କେଉଁଠି ଏବଂ ସେ କାହିଁକି ୧୩୨ କେଭି ଟାୱାରରେ ଚଢ଼ୁଥିଲେ ତାହା ଏପର୍ଯ୍ୟନ୍ତ ଜଣାପଡ଼ି ନାହିଁ।
Popular Categories
Previous article
Next article