ଲକ୍ଷ୍ମୀପୁର : କୋରାପୁଟ ଜିଲା ସ୍ଥିତ ଲକ୍ଷ୍ମୀପୁର ରେଳଷ୍ଟେସନରେ ଓଭରବ୍ରିଜ ନଥିବା କାରଣରୁ ଯାତ୍ରୀମାନଙ୍କୁ ବିପଦପୂର୍ଣ୍ଣ ଭାବେ ରେଳଧାରଣା ପାର ହେବାକୁ ପଡୁଛି। ଦୀର୍ଘ ୨ଦଶନ୍ଧି ହେଲାଣି ଉକ୍ତ ରେଳ ପଥରେ ଯାତ୍ରୀବାହୀ ରେଳ ଚଳାଚଳ କଲାଣି। ପ୍ରଥମେ କେବଳ ଗୋଟିଏ ଯାତ୍ରୀବାହୀ ଟ୍ରେନ ହିରାଖଣ୍ଡ ଏକ୍ସପ୍ରେସ ଚାଲୁଥିଲା। ବର୍ତ୍ତମାନ ପ୍ରତିଦିନ ୫ଟି ଦୈନିକ ଯାତ୍ରୀବାହୀ ଟ୍ରେନ ଯାତାୟତ କରୁଥିବା ବେଳେ ୨ଟି ସାପ୍ତାହିକ ଟ୍ରେନ ୨ ଦିନ ଚଳାଚଳ କରୁଛି। ଅନେକ ସମୟରେ ଲକ୍ଷ୍ମୀପୁର ଷ୍ଟେସନରେ ହିରାଖଣ୍ଡ ଓ ସମଲେଶ୍ବରୀ ଏକ୍ସପ୍ରେସ କ୍ରସିଂ ହୋଇଥାଏ। ଯେଉଁଥିପାଇଁ ଯାତ୍ରୀମାନେ ଦୁଇଟି ରେଳ ଧାରଣା ପାର ହୋଇ ପିଲା ଛୁଆମାନଙ୍କ ଠାରୁ ଆରମ୍ଭ କରି ବୟସ୍କ ବୟସ୍କା ମାନଙ୍କୁ ନେଇ ଯିବାକୁ ପଡୁଛି। ସାଙ୍ଗରେ ଲଗେଜ ସହିତ ରୋଗୀମାନଙ୍କୁ ଡାକ୍ତରଖାନା ନେବା ଆଣିବାରେ ମଧ୍ୟ ଲୋକମାନେ ଅସୁବିଧାର ସମ୍ମୁଖୀନ ହେଉଛନ୍ତି। ଡିଆରଏମଙ୍କ ଠାରୁ ଆରମ୍ଭ କରି ଆରଏମଙ୍କ ପର୍ୟ୍ୟନ୍ତ ବରିଷ୍ଠ ଅଧିକାରୀମାନେ ଷ୍ଟେସନକୁ ପରିଦର୍ଶନରେ ଆସୁଥିଲେ ମଧ୍ୟ ଏଥି ପ୍ରତି ସେମାନଙ୍କ ଦୃଷ୍ଟି ପଡୁନାହିଁ।
Popular Categories
Previous article
Next article