ସମାଜ ଡିଜିଟାଲ ଡେସ୍କ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଯୁଦ୍ଧ ବିରତି ଘୋଷଣା ପରେ ଇରାନ ନିଜର ପ୍ରତିକ୍ରିୟା ରଖିଛି। ଇସ୍ରାଏଲ ସହିତ ଯୁଦ୍ଧ ବିରତିକୁ ଇରାନ ପ୍ରତ୍ୟାଖ୍ୟାନ କରିଛି। ଇରାନ ସର୍ତ୍ତ ରଖି କହିଛି ଇସ୍ରାଏଲ ପ୍ରଥମେ ଆକ୍ରମଣ ବନ୍ଦ କରୁ, ତା’ ପରେ ଆମେ ବନ୍ଦ କରିବୁ।
ଟ୍ରମ୍ପଙ୍କ ଅସ୍ତ୍ରବିରତି ପ୍ରସ୍ତାବ ପରେ ଇରାନ ବୈଦେଶିକ ମନ୍ତ୍ରୀ ଅବ୍ବାସ ଅରାଗଚୀ କହିଛନ୍ତି, ବର୍ତ୍ତମାନ ସମୟରେ ଯୁଦ୍ଧବିରତି ନେଇ କୌଣସି ରାଜିନାମା ହେବାର ନାହିଁ କିମ୍ବା ଇସ୍ରାଏଲ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ବନ୍ଦ ହେବାର ନାହିଁ। ଯଦି ଇରାନର ସ୍ଥାନୀୟ ସମୟ ଭୋର ୪ଟା ସୁଦ୍ଧା ଇସ୍ରାଏଲ ପକ୍ଷରୁ ଆକ୍ରମଣ ବନ୍ଦ କରାଯାଏ, ତେବେ ଇରାନ ପ୍ରତିଆକ୍ରମଣ କରିବ ନାହିଁ।
