ନୂଆଦିଲ୍ଲୀ : ଆଜିର ସମୟରେ ବଜାରରେ ଅନେକ ଓ୍ବାଶିଂ ପାଉଡର ରହିଛି । କିନ୍ତୁ ଦିନ ଥିଲା ଘରେ ଘରେ ନିରମାର ଜାଦୁ ଚାଲିଥିଲା । ଖାଲି ସଫାସଫି ପାଇଁ ନୁହେଁ, ନିରମାର ବିଜ୍ଞାପନ ମଧ୍ୟ ସମସ୍ତଙ୍କ ପସନ୍ଦ ସାଜିଥିଲା । ନିର୍ମାର ପ୍ରତିଷ୍ଠାତା କରସନଭାଇ ପଟେଲଙ୍କ ଜୀବନ ସଂଘର୍ଷରେ ପରିପୂର୍ଣ୍ଣ । ସେ ସାଇକେଲରେ ଓ୍ବାଶିଂ ପାଉଡର ବିକି ବିକି ୧୭ ହଜାର କୋଟି ଟଙ୍କାର କମ୍ପାନୀ ଠିଆ କରିଥିଲେ । ଓ୍ବାଶିଂ ପାଉଡର ଶୁଣିବା ମାତ୍ରେ ସମସ୍ତଙ୍କ ମନକୁ ପ୍ରଥମେ ଆସୁଥିବା ନାଁ ଥିଲା ନିର୍ମା । କିନ୍ତୁ ଦିନେ ୬୦ ପ୍ରତିଶତ ବଜାର ଅକ୍ତିଆର କରିଥିବା ନିର୍ମାକୁ ଆଜି ବଜାରରେ ଖୋଜିଲେ ମଧ୍ୟ ମିଳୁନି ।
ନିର୍ମା ଧିରେ ଧିରେ ଲୋକପ୍ରିୟତାର ଶିଖରରେ ପହଞ୍ଚିବା ପରେ କମ୍ପାନୀ ଅନ୍ୟ କ୍ଷେତ୍ରରେ ପାଦ ଥାପିଲା । କମ୍ପାନୀ ସିମେଣ୍ଟ ପ୍ରସ୍ତୁତ କରିବା ଆରମ୍ଭ କରିବା ସହ ନିର୍ମା ବିଶ୍ବବିଦ୍ୟାଳୟ ତଥା କେମିକାଲ ବ୍ୟବସାୟରେ ମଧ୍ୟ ନିବେଶ କଲା । କିନ୍ତୁ କମ୍ପାନୀ ନିଜ ଓ୍ବାଶିଂ ପାଉଡରରେ କିଛି ବି ନୂଆ ପରିବର୍ତ୍ତନ ଆଣିପାରିଲା ନାହିଁ । ବଜାରକୁ ନୂଆ ନୂଆ ଓ୍ବାଶିଂ ପାଉଡର ଆସିବା ଫଳରେ ନିର୍ମା ନିଜ ପୁରୁଣା ସ୍ଥାନ ବଜାୟ ରଖିପାରିଲାନାହିଁ ।
ବିଜ୍ଞାପନ କ୍ଷେତ୍ରରେ ମଧ୍ୟ ଏକ ବଡ ଭୁଲ୍ କଲା କମ୍ପାନୀ । ନିର୍ମାର ବିଜ୍ଞାପନ ମୁଖ୍ୟତଃ ଗୃହିଣୀଙ୍କୁ ଫୋକସ୍ କରେ କିନ୍ତୁ କମ୍ପାନୀ ଏଥିରେ ପରିବର୍ତ୍ତନ କରି ପୁରୁଷଙ୍କୁ ଡ୍ରେସ୍ ସଫା କରିବା ବିଜ୍ଞାପନ ଦେଖାଇଲା । ଅଭିନେତ୍ରୀଙ୍କ ବଦଳରେ ଅଭିନେତା ହ୍ରିତିକ୍ ରୋଶନଙ୍କୁ ବ୍ରାଣ୍ଡ୍ ଆମ୍ବାସଡର କଲା କମ୍ପାନୀ । ଏହି ନିଷ୍ପତ୍ତି ଫଳରେ ନିର୍ମା ନିଜ ମୁଖ୍ୟ ଗ୍ରାହକ ମହିଳାଙ୍କୁ ହରାଇଦେଲା । ଧିରେ ଧିରେ ବଜାର ଭାଗିଦାରୀ ୬୦ ପ୍ରତିଶତରୁ ଖସି ମାତ୍ର ୧୨ ପ୍ରତିଶତ ରହିଗଲା । ତେବେ କମ୍ପାନୀ ଆଜି ମଧ୍ୟ ଏକ ମୂଲ୍ୟବାନ୍ ବ୍ରାଣ୍ଡ୍ ରୂପେ ନିଜ ସ୍ଥାନ ବଜାୟ ରଖିପାରିଛି ।
Comments are closed.