ନିମାପଡ଼ା : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିମାପଡ଼ାରେ ବୁଧବାର ରୋଡ୍ ଶୋ’ କରି ଦଳୀୟ ପ୍ରାର୍ଥୀଙ୍କୁ ଜିତାଇବା ପାଇଁ ନିବେଦନ କରିଛନ୍ତି। ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ନିମାପଡ଼ା ବାରବାଟୀ ପଡ଼ିଆରେ ଓହ୍ଲାଇବା ପରେ ସେଠାରୁ କାର୍ରେ ଗୋଲେଇ ଛକ ଯାଇଥିଲେ। ସେଠାରୁ ଅତ୍ୟାଧୁନିକ ବସ୍ରେ ବସି ମୁଖ୍ୟମନ୍ତ୍ରୀ ପ୍ରଥମେ ‘ଜୟ ଜଗନ୍ନାଥ’ କହି ଶୋ’ ଆରମ୍ଭ କରିଥିଲେ। ରୋଡ୍ ଶୋ’ ଗୋଲେଇ ଛକରୁ ବାହାରି ଦୋଳବେଦୀ ଛକ, ଜୟଶ୍ରୀ ଛକଦେଇ ଦେଢ଼ କି.ମି. ପର୍ଯ୍ୟନ୍ତ ଯାଇଥିଲା। ରାସ୍ତାର ଉଭୟ ପାର୍ଶ୍ବରେ ଲୋକମାନେ ମୁଖ୍ୟମନ୍ତ୍ରୀଙ୍କ ଝଲକ ଟିକେ ପାଇବାକୁ ଦୀର୍ଘସମୟ ଧରି ଅପେକ୍ଷା କରିଥିଲେ। ବିଜେଡି ସରକାର ଆସିଲେ ଜୁଲାଇରୁ ବିଦ୍ୟୁତ୍ ବିଲ୍ ଛାଡ଼, ମିଶନ ଶକ୍ତି ମା’ଙ୍କୁ ୬୦ ବର୍ଷ ପରେ ପେନ୍ସନ ଦିଆଯିବ ବୋଲି ଏହି ଅବସରରେ କହିଥିଲେ। ନିମାପଡ଼ା ବିଜେଡି ବିଧାୟକ ପ୍ରାର୍ଥୀ ଦିଲୀପ ନାୟକ ଏବଂ ଜଗତସିଂହପୁର ସାଂସଦ ପ୍ରାର୍ଥିନୀ ଡ. ରାଜଶ୍ରୀ ମଲ୍ଲିକଙ୍କୁ ଯୋଡ଼ି ଶଙ୍ଖରେ ଭୋଟ ଦେଇ ଆଶୀର୍ବାଦ କରିବାକୁ ସେ ନିବେଦନ କରିଥିଲେ। ଆୟୋଜିତ ରୋଡ୍ ଶୋ’ ରେ ଜଗତସିଂହପୁର ସାଂସଦ ପ୍ରାର୍ଥିନୀ ଶ୍ରୀମତୀ ମଲ୍ଲିକ, ନିମାପଡ଼ା ବିଧାୟକ ପ୍ରାର୍ଥୀ ଶ୍ରୀ ନାୟକ, ରାଜ୍ୟସଭା ସାଂସଦ ଶୁଭାଶିଷ ଖୁଣ୍ଟିଆ, ବିଧାୟକ ପୁଷ୍ପେନ୍ଦ୍ର ସିଂ ଦେଓ, ବିଜେଡି ନେତା ସୁବ୍ରତ ଛାଟୋଇ, ଚନ୍ଦନ ପାତ୍ର ପ୍ରମୁଖ ସାମିଲ ଥିଲେ।
Popular Categories
Previous article
Next article