ଶ୍ରୀନଗର : ଆତଙ୍କବାଦୀ ସଂଗଠନ ହିଜବୁଲ ମୁଜାହିଦ୍ଦିନର ମୁଖ୍ୟ ତଥା ଆତଙ୍କବାଦୀ ସୟଦ ସଲାଉଦ୍ଦିନର ଦୁଇ ପୁଅ ସାହିଦ୍ ୟୁସୁଫ ଓ ସୟଦ୍ ଅହମ୍ମଦ ସକିଲର ଦୁଇଟି ସମ୍ପତ୍ତିକୁ ସୋମବାର ଜବତ କରିଛି ଜାତୀୟ ତଦନ୍ତକାରୀ ଏଜେନ୍ସି (ଏନ୍ଆଇଏ)। ୟୁସୁଫ ଓ ସକିଲ ୨୦୧୭-୧୮ରୁ ଗିରଫ ହୋଇ ଦିଲ୍ଲୀର ତିହାର ଜେଲ୍ରେ ବନ୍ଦୀ ଅଛନ୍ତି। ୟୁସୁଫ ଓ ବିଦେଶରୁ ଅର୍ଥ ସଂଗ୍ରହ କରି ଆତଙ୍କବାଦୀଙ୍କୁ ଯୋଗାଉ ଥିବା ଅଭିିଯୋଗ ହୋଇଥିଲା। ସଲାଉଦ୍ଦିନ୧୯୯୩ରେ ପାକିସ୍ତାନ ଚାଲି ଯାଇଥିଲା। ତାକୁ ୨୦୨୦ ଅକ୍ଟୋବରରେ ଆତଙ୍କବାଦୀ ବୋଲି ଘୋଷଣା କରିଥିଲା ମୋଦୀ ସରକାର। ବର୍ତ୍ତମାନ ସେ ପାକିସ୍ତାନରେ ରହି ଆତଙ୍କବାଦୀ କାର୍ଯ୍ୟକଳାପ ଚଳାଇ ଆସୁଛି।
ୟୁସୁଫ ଓ ସକିଲର ସୋଏବଗ୍ ଓ ମୋହଲା ରାମବାଗ ଅଞ୍ଚଳରେ ଥିବା ଦୁଇଟି ଜମିକୁ ଏନ୍ଆଇଏ ଜବତ କରିଥିବା ଜଣାପଡ଼ିଛି। ସେହିପରି ୨୦୧୮ରେ ସିଆରପିଏଫ ଯବାନଙ୍କ ଉପରେ ହୋଇଥିବା ଆକ୍ରମଣ ଘଟଣାରେ ଏନ୍ଆଇଏ ସୋମବାର ଅବନ୍ତୀପୋରା ଅଞ୍ଚଳରେ ୬ଟି ଦୋକାନକୁ ଜବତ କରିଛି। ଏହି ମାମଲାରେ ୨୦୨୦ ସେପ୍ଟେମ୍ବରରେ ଜଣେ ଅଭିଯୁକ୍ତର ବାପାଙ୍କ ନାମରେ ଥିବା ଗୋଟିଏ ଘରକୁ ଏନ୍ଆଇଏ ଜବତ କରିଥିଲା।
Comments are closed.