ମୟୁରଭଞ୍ଜ : ଦୈନିକ ଖବରକାଗଜ ‘ସମାଜ’ର ମୟୁରଭଞ୍ଜ ଜିଲ୍ଲାର ବଡ଼ସାହି ବ୍ଲକ ପ୍ରତିନିଧି ସରୋଜ କୁମାର ଦାସ(୫୦)ଙ୍କର ମଙ୍ଗଳବାର ପରଲୋକ ହୋଇଛି। କିଛି ଦିନ ତଳେ ସରୋଜ ଦୁର୍ଘଟଣାର ଶିକାର ହୋଇ ଚିକିତ୍ସିତ ହେବା ପରେ ଘରକୁ ଫେରିଥିଲେ। ମାତ୍ର ଆଜି ହଠାତ୍ ତାଙ୍କର ଦେହାନ୍ତ ହୋଇଛି।
ତାଙ୍କର ଅକାଳ ବିୟୋଗରେ ଦୈନିକ ଖବରକାଗଜ ‘ସମାଜ’ର ପରିବାରରେ ତଥା ସାମ୍ବାଦିକ ମହଲରେ ଶୋକର ଛାୟା ଖେଳି ଯାଇଛି। ସେ ଅତ୍ୟନ୍ତ ମିଷ୍ଟଭାଷୀ, ପରୋପକାରୀ ବ୍ୟକ୍ତି ଥିଲେ। ସାମ୍ବାଦିକତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ସେ ‘ସମାଜ’ ତରଫରୁ ଶ୍ରେଷ୍ଠ ସାମ୍ବାଦିକ ପୁରସ୍କୃତ ଓ ସମ୍ୱର୍ଦ୍ଧିତ ହୋଇଥିଲେ। ତାଙ୍କ ଅମର ଆତ୍ମାର ସଦଗତି କାମନା କରାଯାଇଛି। ଶୋକସନ୍ତପ୍ତ ପରିବାର ପ୍ରତି ଗଭୀର ସମବେଦନା ଜ୍ଞାପନ କରାଯାଇଛି।
