ତ୍ୱଚାର ଚମକ ବୃଦ୍ଧି ପାଇଁ ବିଶେଷ କରି ଯୁବତୀ ଓ ମହିଳାମାନେ ଦାମୀ ପ୍ରସାଧନ ସାମଗ୍ରୀ ବ୍ୟବହାର କରିଥାଆନ୍ତି। ମାତ୍ର ତ୍ୱଚାର ଚମକ ବୃଦ୍ଧି କରିବା ପାଇଁ ଏପରି ଏକ ସାଧାରଣ ଓ ସହଜ ଘରୋଇ ଉପାୟ ରହିଛି ଯାହାକୁ ଆପଣାଇବା ଦ୍ୱାରା ତ୍ୱଚା ସୁନ୍ଦର, କୋମଳ ଓ ଏହାର ଚମକ ମଧ୍ୟ ବୃଦ୍ଧି ପାଇଥାଏ।
କଦଳୀକୁ ଚକଟି ଏଥିରେ କ୍ଷୀର ମିଶାନ୍ତୁ। ଏହି ମିଶ୍ରଣକୁ ତ୍ୱଚାରେ ଲଗାନ୍ତୁ। ଯେଉଁ ସମୟରେ ଏହା ଭଲ ଭାବେ ଶୁଖିଯିବ ମୁହଁ ଧୋଇ ଦିଅନ୍ତୁ। ସପ୍ତାହକୁ ୨ ରୁ ୩ଥର ଏହାକୁ ବ୍ୟବହାର କଲେ ମୁହଁ କୋମଳ ଓ ଗୋରା ହୋଇଥାଏ।
– ବେସନରେ କ୍ଷୀର, ଲେମ୍ବୁ ରସ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇ କିଛି ସମୟ ରଖନ୍ତୁ। ପରେ ଧୋଇ ଦିଅନ୍ତୁ। ଏହାକୁ ନିୟମିତ ବ୍ୟବହାର କଲେ ନିଜେ ଏହାର ଚମତ୍କାରିତା ଅନୁଭବ କରି ପାରିବେ।
– ଏକ ଅଣ୍ଡା, ୨ ଚାମଚ ସୋୟାବିନ ଗୁଣ୍ଡ, ୨ ଚାମଚ ମହୁ , ୧ ଚାମଚ କ୍ଷୀର ସରକୁ ମିଶାଇ ପେଷ୍ଟ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇ ୧୫ ମିନିଟ ରଖନ୍ତୁ। ଶୀତ ଦିନେ ଏହା ମୁହଁ ପାଇଁ ଆଶୀର୍ବାଦ ଠାରୁ କମ ନୁହେଁ।
ଆପଣ ଟମାଟୋକୁ ଅନେକ ବ୍ୟଞ୍ଜନରେ ବ୍ୟବହାର କରି ଖାଇ ଥାଆନ୍ତି। ଏଥିରେ ଭରପୁର ମାତ୍ରାରେ ପୋଷକ ତତ୍ତ୍ୱ ଓ ଆଣ୍ଟି-ଅକ୍ସିଡ଼ାଣ୍ଟ ରହିଛି। ଏହା ତ୍ୱଚାର ଚମକ ବୃଦ୍ଧି କରିବା ପାଇଁ ସହାୟକ ହୋଇଥାଏ। ସନବର୍ଣ୍ଣ ପାଇଁ ମଧ୍ୟ ଏହା ରାମବାଣ। ଘରେ ତ୍ୱଚା ପାଇଁ ଏପରି କରନ୍ତୁ ଟମାଟୋର ବ୍ୟବହାର –
– ପ୍ରଥମେ ପ୍ରଣାଳୀ – ଟମାଟୋ ରସରେ ଅଳ୍ପ କିଛି କ୍ଷୀର ମିଶାଇ ଏହାକୁ ତୁଳା ସାହାଯ୍ୟରେ ମୁହଁରେ ଓ ବେକରେ ଲଗାନ୍ତୁ। କିଛି ସମୟ ରଖିବା ପରେ ପାଣିରେ ମୁହଁ ଧୋଇ ଦିଅନ୍ତୁ।
– ୨ୟ ପ୍ରଣାଳୀ – ଫାଳେ ଟମାଟୋରେ ଅଳ୍ପ କିଛି ଚିନି ପକାଇ ଏହାକୁ ମୁହଁରେ ଧିରେ ଧିରେ ଲଗାଇ ମାଲିସ କରନ୍ତୁ। କିଛି ସମୟ ପରେ ମୁହଁକୁ ପାଣିରେ ଧୋଇ ଦିଅନ୍ତୁ।
– ୩ୟ ପ୍ରଣାଳୀ – ତ୍ୱଚାକୁ ଷ୍ଟିମିଙ୍ଗ ଦିଅନ୍ତୁ। ଏକ ପାତ୍ରରେ ଉଷୁମ ପାଣି ଆଣି ନିଜ ମୁହଁରେ ତଉଲିଆରେ ଘୋଡ଼ାଇ ୫ ରୁ ୭ ମିନିଟ ଷ୍ଟିମିଙ୍ଗ ବା ବାମ୍ଫ ନିଅନ୍ତୁ।
– ୪ର୍ଥ ପ୍ରଣାଳୀ – ଶେଷରେ ଟମାଟୋ ରସରେ ଚନ୍ଦନ ଗୁଣ୍ଡ, ମହୁ ମିଶାଇ ଫେସ ପ୍ୟାକ ପ୍ରସ୍ତୁତ କରନ୍ତୁ। ଏହାକୁ ମୁହଁରେ ଲଗାଇ ୧୫ ମିନିଟ ରଖନ୍ତୁ।୧୫ ମିନିଟ ପରେ ମୁହଁ ଧୋଇ ଦିଅନ୍ତୁ। ନିଜେ ବ୍ୟବହାର କରୁଥିବା କିଛି ମଶ୍ଚୁରାଇଜର ଲଗାନ୍ତୁ।
Comments are closed.