ହରଭଙ୍ଗା: ହରଭଙ୍ଗା ବ୍ଲକରେ ୮ ଦିନ ହେଲା ବର୍ଷାର ଦେଖା ନାହିଁ। ବର୍ଷା ଅଭାବ ଯୋଗୁଁ ବ୍ଲକରେ ଧାନରୁଆ କାର୍ଯ୍ୟ ଧିମେଇ ଯାଇଛି। ପ୍ରକାଶ ଯେ ଗତ ୧ ତାରିଖରୁ ଦୁଇ ଦିନ ଧରି ଲଗାଣ ବର୍ଷା ଯୋଗୁଁ ବ୍ଲକରେ ଚାଷକାମ ଜୋରସୋରରେ ଆଗେଇଥିଲା। ବର୍ତମାନ ବର୍ଷାର ଉଭାନ ଫଳରେ ବ୍ଲକର ହରଭଙ୍ଗା, କୁଶଙ୍ଗ, ମହାଲିକପଡ଼ା, ଛତ୍ରଙ୍ଗ, କଂରଜକଟା, ସଙ୍କୁଲେଇ ଭଳି ପଂଚାୟତରେ ଧାନଚାଷ ଧିମେଇ ଯାଇଛି। ଚଳିତ ମାସ ୧୧ତାରିଖ ସୁଦ୍ଧା ବ୍ଲକରେ ମାତ୍ର ୪୫ ପ୍ରତିଶ୍ରତ ଧାନଚାଷ ହୋଇଥିବା ରିପୋର୍ଟରୁ ଜଣାପଡ଼ିଛି। ଆସନ୍ତା ଦିନେ ଦୁଇଦିନ ମଧ୍ୟରେ ଭଲ ବର୍ଷା ନହେଲେ ଧାନ ଚାଷ ପ୍ରଭାବିତ ହେବା ଆଶଙ୍କା ପ୍ରକାଶ ପାଇଛି। ବର୍ଷା ଅଭାବକୁ ଦୃଷ୍ଟିରେ ରଖି ଧାନଚାଷ ଜମିରେ ଡାଲି ଜାତୀୟ ଫସଲ, ମୁଗ, ବିରି, ହରଡ, ତୈଳ ଜାତୀୟ ଫସଲ ରାଶି, ବାଦାମ ଏବଂ ତୁଳା, ମାଣ୍ଡିଆ, ମକା, ପନିପରିବା, ଲଙ୍କା, ଅଦା, ହଳଦୀ ଆଦି ଚାଷ କରିବା ପାଇଁ ସରକାର ସବସିଡିର ବ୍ୟବସ୍ଥା କରିଛନ୍ତି। ପ୍ରଥମ ବର୍ଷ ଡାଲିଜାତୀୟ ଚାଷ ପାଇଁ ହେକ୍ଟରକୁ ୧୦ହଜାର ଟଙ୍କା, ରାଶି ପାଇଁ ୩୫ଶହ ଟଙ୍କା, ବାଦାମ ପାଇଁ ୧୧ହଜାର ଟଙ୍କା, ତୁଳା, ହରଡ ପାଇଁ ୯ ହଜାର ଟଙ୍କା, ମାଣ୍ଡିଆ ପାଇଁ ୬ ହଜାର ୫ ଶହ ଟଙ୍କା, ମକା ପାଇଁ ୬ ହଜାର ୫ ଶହ ଟଙ୍କା ଏବଂ ପନିପରିବା, ଲଙ୍କା, ଅଦା, ହଳଦୀ ଚାଷ ପାଇଁ ହେକ୍ଟର ପିଛା ୨୨ ହଜାର ଟଙ୍କା ସବସିଡି ଆକାରରେ ଯୋଗାଇବାର ବ୍ୟବସ୍ଥା କରିଛନ୍ତି। ବ୍ଲକ ଗୋଷ୍ଠି କୃଷି ଅଧିକାରୀ କାର୍ଯ୍ୟାଳୟରେ ଯୋଗାଯୋଗ କରି ଚାଷୀମାନେ ଏହାର ସୁବିଧା ନେବାକୁ କୃଷି ବିଭାଗ ପକ୍ଷରୁ ସୂଚନା ମିଳିଛି।
Popular Categories
Previous article
Next article