ଫୁଲବାଣୀ: କେନ୍ଦ୍ର ରାଷ୍ଟ୍ରମନ୍ତ୍ରୀ ବିଶ୍ୱେଶର ଟୁଡୁ ମଙ୍ଗଳବାର କନ୍ଧମାଳ ଜିଲ୍ଲା ରାଇକିଆ ଗସ୍ତ କରି ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଶିଳାନ୍ୟାସ କରିଛନ୍ତି। ପ୍ରଥମେ ରାଇକିଆ ଠାରେ ପହଞ୍ଚି ଗମାଣ୍ଡି ଠାରେ ବିଦ୍ୟାଳୟ ପାଇଁ ନିରୂପଣ ହୋଇଥିବା ସ୍ଥାନରେ ଶିଳାନ୍ୟାସ କରିବା ସହ ସେଠାରେ ଆୟୋଜିତ ସଭାରେ ଯୋଗ ଦେଇ ଆବାସିକ ବିଦ୍ୟାଳୟ ଖୋଲିଲା ପରେ ଏହା କିପରି ଶିକ୍ଷା କ୍ଷେତ୍ରରେ ଅନୁସୂଚିତ ଜନଜାତି ଛାତ୍ରଛାତ୍ରୀଙ୍କ ଉଜ୍ଜଳ ଭବିଷ୍ୟତ ଗଠନରେ ସହାୟକ ହେବ ସେ ନେଇ କହିଥିଲେ। କାର୍ୟ୍ୟକ୍ରମରେ ଅତିଥି ଭାବେ ଟ୍ରାଇଫେଡ ଉପାଧ୍ୟକ୍ଷ ପବିତ୍ର କହଁର, ପୁର୍ବତନ ବିଧାୟକ କରେନ୍ଦ୍ର ମାଝୀ, ଜଗନ୍ନାଥ ସାହୁ, ବିଧାୟକ ପ୍ରତିନିଧି ସୁଶିଲ ଦିଗାଲ, ମାଣିକେଶ୍ଵର ସରପଞ୍ଚ, ରାଇକିଆ ବିଡିଓ ଶରତ ପାତ୍ର, ତହସିଲଦାର ଅକ୍ଷୟ ପାଣି ଉଡୁ ଉପସ୍ଥିତ ଥିଲେ। ଜିଲ୍ଲା ମଙ୍ଗଳ ଅଧିକାରୀ ସିମାଞ୍ଚଳ ବେହେରା କାର୍ୟ୍ୟକ୍ରମ ସଂଯୋଜନା କରିଥିଲେ।
Comments are closed.