ନୂଆଦିଲ୍ଲୀ : ବଜାଜ ନିଜ ଚେତକ ଇଲେକ୍ଟ୍ରିକ୍ ସ୍କୁଟରର ରେଞ୍ଜ ବଢାଇ ଚେତକ ବ୍ଲୁ ୩୨୦୨ ଲଞ୍ଚ୍ କରିଦେଇଛି । ଏହି ଇଲେକ୍ଟ୍ରିକ୍ ସ୍କୁଟରର ଏକ୍ସ-ଶୋରୁମ୍ ଦାମ୍ ୧.୧୫ ଲକ୍ଷ ଟଙ୍କା ନିର୍ଦ୍ଧାରିତ କରାଯାଇଛି । ବ୍ଲୁ ୩୨୦୨ ନୂଆ ନାଁ ଅର୍ବନ ଭେରିଏଣ୍ଟ । ଏଥିରେ ନୂଆ ସେଲ୍ ଲଗାଯାଇଛି ଯାହା ଅଧିକ ରେଞ୍ଜ ପ୍ରଦାନ କରିବ । ପୂର୍ବରୁ ଏଥିରେ ୧୨୬ କିଲୋମିଟର ଯାତ୍ରା କରିହେଉଥିଲା, କିନ୍ତୁ ଏଣିକି ଏହା ୧୩୭କୁ ବୃଦ୍ଧି ହୋଇଛି । ଚେତକର ପ୍ରଥମ ଅର୍ବନ ଭେରିଏଣ୍ଟର ଦାମ୍ ୧.୨୩ ଲକ୍ଷ ଟଙ୍କା ଥିଲା । ଅର୍ଥାତ୍ ଏହା ଏବେ ପ୍ରାୟ ୮ ହଜାର ଟଙ୍କା ଶସ୍ତା ହୋଇଯାଇଛି ।
ଚେତକ ବ୍ଲୁ ୩୨୦୨ର ଚାର୍ଜିଂ ୫ ଘଣ୍ଟା ୫୦ ମିନିଟରେ ସମ୍ପୂର୍ଣ୍ଣ ହୋଇଯିବ । ଏଥିରେ ଏଲସିଡି ଡିସପ୍ଲେ ମିଳିବ । ଗାଡିର ସର୍ବାଧିକ ସ୍ପିଡ୍ ୭୩ କିଲୋମିଟର ପ୍ରତି ଘଣ୍ଟା ରହିବ । ଏଥିରେ ବ୍ଲୁଟୁଥ୍ କନେକ୍ଟିଭିଟି, ହିଲ ହୋଲ୍ଡ ଏବଂ ରିଭର୍ସ ମୋଡ୍ ମଧ୍ୟ ସାମିଲ । ୪ ବିକଳ୍ପ ରଙ୍ଗ ଯଥା ବ୍ଲୁ, ଧଳା, କଳା ଏବଂ ଧୂସର ରଙ୍ଗରେ ଏହାକୁ ଗ୍ରାହକ କିଣିପାରିବେ ।
ବଜାଜ ଅଟୋ ଗତ ମାସରେ ନିଜ ଇଲେକ୍ଟ୍ରିକ୍ ଦୁଇଚକିଆ ପୋର୍ଟଫୋଲିଓରେ ସାମିଲ ଚେତକ ଇଲେକ୍ଟ୍ରିକ୍ ସ୍କୁରର ନୂଆ ଏଡିଶନ ଲଞ୍ଚ୍ କରିଥିଲା । କମ୍ପାନୀ ଏହାକୁ ଚେତକ ୩୨୦୧ ନାଁ ଦେଇଛି । ଏହାର ଏକ୍ସ ଶୋରୁମ୍ ଦାମ୍ ୧.୩୦ ଲକ୍ଷ ଟଙ୍କା ରଖିଛି କମ୍ପାନୀ ।
Comments are closed.