ଭୁବନେଶ୍ୱର : ମାଓ ପ୍ରବଣ ଜିଲା ମାଲକାନଗିରି କାଲିମେଳାରେ ଆୟୋଜିତ ସମାବେଶରେ ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ନିର୍ବାଚନ ପ୍ରଚାର କରିଛନ୍ତି । ଜୟ ଜଗନ୍ନାଥ , ଆପଣମାନଙ୍କୁ ସମସ୍ତଙ୍କୁ ମୋର ନମସ୍କାର କହି ମୁଖ୍ୟମନ୍ତ୍ରୀ ଓଡିଆରେ ଭାଷଣ ଆରମ୍ଭ କରିଥିଲେ । ଆପଣମାନେ ଏତେ ଖରାରେ ଆସିଛନ୍ତି, ମୁଁ ବି ଆସିଛି । ଆପଣମାନେ ଖୁସୀ ତ ବୋଲି ମୁଖ୍ୟମନ୍ତ୍ରୀ ପଚାରିଥିଲେ । ପରେ କିଛି ତଥ୍ୟ ରଖି ମୁଖ୍ୟମନ୍ତ୍ରୀ କେନ୍ଦ୍ର ସରକାରଙ୍କୁ ଟାର୍ଗେଟ କରି କହିଥିଲେ, ବନ୍ୟା ବାତ୍ୟା ହେଲା, କେହି ଆସିଲେନି କିନ୍ତୁ ଏବେ ଭୋଟ୍ ପାଇଁ ଆସିଗଲେ । କେନ୍ଦ୍ର ସରକାର କାହା ସ୍ବାର୍ଥରେ କେବିକେ ଯୋଜନା ବନ୍ଦ କଲେ । ଗରିବ ଏସସି , ଏସଟି ପିଲାଙ୍କ ବୃତ୍ତି ବନ୍ଦ କଲେ । ଓଡିଶା ପ୍ରତି ଏମାନଙ୍କ ଦରଦ ଏମିତି । ବିଜେପିର ବଡ ବଡ ନେତାମାନେ ଏବେ କୁମ୍ଭୀର କାନ୍ଦଣା କାନ୍ଦୁଛନ୍ତି । ସାଢେ ୪ କୋଟି ଓଡିଶାବାସୀ ମୋ ପରିବାର । ମୁଁ ସବୁବେଳେ ଆପଣମାନଙ୍କ ସହିତ ରହିଛି ଏବଂ ଆଗକୁ ରହିବି । ଆପଣମାନେ ମୋତେ ଆର୍ଶୀବାଦ କରନ୍ତୁ । ଥରେ ସାଂସଦ ଓ ଥରେ ବିଧାୟକଙ୍କ ପାଇଁ ଭୋଟ ଦେବାକୁ ନବୀନ ନିବେଦନ କରିଥିଲେ ।
Popular Categories
Previous article
Next article