ମଣିପୁର ଘଟଣା : ଦୋଷୀଙ୍କ ବିରୋଧରେ ନିଆଯିବ କଡ଼ା କାର୍ଯ୍ୟାନୁଷ୍ଠାନ

ଇମ୍ଫାଲ : ମଣିପୁରରେ ଦୁଇଜଣ ମହିଳାଙ୍କୁ ଉଲଗ୍ନ କରି ବୁଲାଇବା ଘଟଣାରେ ସମସ୍ତ ଅଭିଯୁକ୍ତଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟମନ୍ତ୍ରୀ ଏନ.ବିରେନ ସିଂ କହିଛନ୍ତି। ଏହି ପ୍ରସଙ୍ଗରେ ବିରୋଧୀ ମୋଦୀ ସରକାରଙ୍କୁ ଘେରୁଛନ୍ତି। କଂଗ୍ରେସ ନେତା ରାହୁଲ ଗାନ୍ଧୀ ଘଟଣାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସମାଲୋଚନା କରିଛନ୍ତି। ମଣିପୁରର ସ୍ଥିତିିକୁ ନେଇ ସେ କହିଛନ୍ତି, ଉତ୍ତରପୂର୍ବାଞ୍ଚଳ ରାଜ୍ୟରେ ଭାରତର ବିଚାର ଉପରେ ଆକ୍ରମଣ ହୋଇଛି। ‘ଇଣ୍ଡିଆ’ ଚୁପ୍‌ ରହିବ ନାହିଁ। ପ୍ରଧାନମନ୍ତ୍ରୀ ଚୁପ୍‌ ରହିବା କାରଣରୁ ଏବଂ ନିଷ୍କ୍ରିୟତା ମଣିପୁରରେ ଅରାଜକତା ବ୍ୟାପିବାରେ ଲାଗିଛି ବୋଲି ରାହୁଲ ଟ୍ବିଇଟ୍‌ କରି କହିଛନ୍ତି। ଆମେ ମଣିପୁର ଲୋକଙ୍କ ସହ ଅଛୁ।