ଗୁଡଭେଲା : କୋଟି କୋଟି ଟଙ୍କାରେ ଅନ୍ଧାରି ଅଞ୍ଚଳରେ ଉନ୍ନୟନ କାମ ହୋଇଛି ହେଲେ ବର୍ଷର ପ୍ରଥମ ବର୍ଷାରେ କାମ ଗୁଡିକ ଧୋଇ ହେଉଥିବାରୁ ଉନ୍ନତି ମୂଳକ କାମରେ କେମିତି ଭାବରେ ହରିଲୁଟ ହେଉଛି ତାର ଚିତ୍ର ସାମ୍ନାକୁ ଆସୁଛି। ବଲାଙ୍ଗୀର ଜିଲ୍ଲାର ଗୁଡଭେଲା ବ୍ଳକ ହେଉଛି ଏକ ଆଦିବାସୀ ଅଧ୍ୟୁଷିତ ଉପାନ୍ତ ଅଞ୍ଚଳ ଯାହା ଉନ୍ନୟନ ପାଇଁ କେନ୍ଦ୍ର ଓ ରାଜ୍ୟ ସରକାରଙ୍କ ପାଣ୍ଠିରୁ କୋଟି କୋଟି ଟଙ୍କା ବ୍ୟୟ ବିକାଶ ନାଁରେ ବିଭାଗୀୟ ଅଧିକାରୀ ଓ ଠିକାଦାର ଟଙ୍କା ଆତ୍ମସାତ କରିଥିବା ଅଭିଯୋଗ ହୋଇଛି । ଯାହା ଦ୍ୱାରା କମ୍ ଦିନରେ ପ୍ରକଳ୍ପ ଭାଙ୍ଗି ଚୁରମାର ହେଉଥିବା ଅଭିଯୋଗ ହେଉଛି ।
ଗୁଡଭେଲା ବ୍ଳକ ସଦର ପଞ୍ଚାୟତ ସପ୍ତାହିକ ବଜାରରେ ମାର୍କେଟ କମ୍ପ୍ଳେସ ନିର୍ମାଣ କରିବା ପାଇଁ ଗତ ୨୦୨୦-୨୧ ଆର୍ଥିକ ବର୍ଷରେ ୧୦ ଲକ୍ଷରେ ୫ଟି ପିଣ୍ଢି ନିର୍ମାଣ ହୋଇଥିବା ଫଳକରେ ସୂଚନା ଥିବା ବେଳେ କେଉଁ କାର୍ଯ୍ୟ ନିର୍ବାହି ସଂସ୍ଥା କାର୍ଯ୍ୟ କରିଛି ଓ କେଉଁ ପାଣ୍ଠିରୁ ଟଙ୍କା ଆସିଛି ତାହା ସୂଚନା ଦିଆ ହୋଇ ନାହିଁ । ଯନ୍ତ୍ରୀ ଓ ଠିକାଦାରଙ୍କ ମିଳିତ ନିମ୍ନମାନର କାର୍ଯ୍ୟ କରି ଲକ୍ଷ ଲକ୍ଷ ଟଙ୍କା ଆତ୍ମସାତ କରିଥିବା ଅଭିଯୋଗ ହୋଇଛି । ନିର୍ମାଣ ସମୟରେ ଅତି ନିମ୍ନମାନର କାମ ହୋଇ ଥିବାରୁ ୩ ମାସ ଭିତରେ ପିଣ୍ଢି ଦୁଇ ଫାଳ ହୋଇ ଫାଟି ଯାଇଥିବା ଅଭିଯୋଗ ହୋଇଛି । ଗୁଡଭେଲା ବିଡ଼ିଓ ଗୁରେଶ୍ବର ଭୋଇ ଓ ସହକାରୀ ଯନ୍ତ୍ରୀ ଅମିତ ମୁର୍ମୁଙ୍କୁ ଯୋଗାଯୋଗ କରିଥିଲେ ମଧ୍ୟ ଫୋନ ରିସିଭ୍ କରି ନ ଥିଲେ । ତେଣୁ ଜିଲ୍ଲା ପ୍ରଶାସନ ଦୃଷ୍ଟି ଦେଇ ସଂପୃକ୍ତ ଅଧିକାରୀଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହେଉଛି ।
