ପୁରୀ : ସମୁଦ୍ରରେ ଭାସିଯାଇ ୨ଛାତ୍ରଙ୍କ ମୃତ୍ୟ ଘଟିଛି। ମୃତକ ୨ ଜଣ ହେଲେ ରଜତ ପାଣ୍ଡେ ଓ ମହମ୍ମଦ ଇବାଦ। ସେମାନେ କଟକର ଏକ ଘରୋଇ ଆର୍କିଟେକଚର କଲେଜ୍ରେ ପଢ଼ୁଥିଲେ। ସେମାନଙ୍କ ଘର ଝାଡ଼ଖଣ୍ଡ ବୋଲି ଜଣାପଡ଼ିଛି। ଆଜି ସକାଳେ ୬ଜଣ ଛାତ୍ର ସମୁଦ୍ରକୁ ଗାଧୋଇବା ଯାଇଥିବା ବେଳେ ଏହି ଅଘଟଣ ଘଟିଛି। ସେମାନେ ଚକ୍ରତୀର୍ଥ ରୋଡ଼ ପାନ୍ଥନିବାସ ନିକଟରେ ଗାଧୋଉଥିଲେ। ଗାଧୋଇବା ବେଳେ ଜଣେ ଭାସି ଯିବାରୁ ଅନ୍ୟ ଜଣକ ତା’କୁ ଉଦ୍ଧାର କରିବାକୁ ଯାଇ ସେ ମଧ୍ୟ ଭାସିଯାଇଥିଲା। ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ଡ଼ାକ୍ତରଖାନାକୁ ଆଣିଥିଲେ। ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ।
