ମୁଖୀଗୁଡା: ମୋବାଇଲ ଫୋନ ଲୁଟ୍ କରି ଫେରାର ହେଉଥିବାବେଳେ ଗ୍ରାମବାସୀଙ୍କ ଦ୍ୱାରା ଧରାପଡ଼ିବା ପରେ ଜୟପାଟଣା ପୁଲିସ ୩ ଜଣଙ୍କୁ ଗିରଫ କରି ମଙ୍ଗଳବାର କୋର୍ଟ ଚାଲାଣ କରିଛି। ନବରଙ୍ଗପୁର ଜିଲା ମଇଦଲପୁର ଅଞ୍ଚଳର ପାଞ୍ଚଜଣ ଯୁବକ ଦୁଇଟି ମୋଟର ସାଇକେଲରେ ପାବଳି ଘାଟି ଦେଇ ଆସି ପ୍ରଥମେ କଳାହାଣ୍ଡି ଜିଲା ଜୟପାଟଣା ଥାନା ଅନ୍ତର୍ଗତ ସର୍ଗିଗୁଡା ଗ୍ରାମର ଦେବାର୍ଚ୍ଚନ ମାଝୀଙ୍କ ମୋବାଇଲ ଫୋନ ଛଡାଇ ନେଇଥିଲେ। ଏହାପରେ ପାଣ୍ଡରିପଖାନ ଗାଁର ଭରତ ନାଏକଙ୍କ ମୋବାଇଲ ଫୋନ ଛଡାଇ ନେଇ ନୂଆଗୁଡା ଗାଁ ଅଭିମୁଖେ ଯାଉଥିବା ବେଳେ ଗାଁଲୋକେ ସେମାନଙ୍କୁ ପିଛା କରି ନୂଆଗୁଡା ଛକ ନିକଟରେ ୩ଜଣ ଯୁବକଙ୍କୁ କାବୁ କରି ଜୟପାଟଣା ପୋଲିସକୁ ଖବର ଦେଇଥିଲେ। ଖବର ପାଇ ଜୟପାଟଣା ଥାନା ଅଧିକାରୀ ଶେଷଦେବ ବେହେରା ଏକ ଟିମ୍ ପଠାଇ ଯୁବକମାନଙ୍କୁ ଗିରଫ କରିଥିଲେ। ତଦନ୍ତ ସମୟରେ ଜଣାପଡ଼ିଲା ଯେ, ଏମାନେ ଦୁଇଟି ମୋଟର ସାଇକେଲରେ ପାଞ୍ଚ ଜଣ ଆସି ଏକ ବଡ଼ଧରଣର ଡକାୟତି ଯୋଜନାରେ ଥିଲେ। ଏନେଇ ଜୟପାଟଣା ଥାନାରେ କେସ ନମ୍ବର ୨୩୫/୨୪ରେ ମାମଲା ରୁଜୁ ହୋଇ ମଇଦଳପୁର ଗ୍ରାମର ଉମେଶ ନାଏକ (୧୯), ଭବାନୀ ଶଙ୍କର ନାଏକ(୧୯) ଓ କିଶୋର ହରିଜନ(୨୪)ଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି।
Popular Categories
Previous article
Next article