ଚାଲିଥିଲା ଝିଅ ଜନ୍ମଦିନ ଉତ୍ସବ, ହୃଦଘାତରେ ଟଳିପଡ଼ିଲେ ମା’
ସମାଜ ଡିଜିଟାଲ ଡେସ୍କ: ଝିଅ ଜନ୍ମଦିନ ପାଇଁ ଖୁସିର ମାହୋଲ ଥିଲା। ଅତିଥିମାନଙ୍କ ଗହଣରେ ଜନ୍ମଦିନ ଉତ୍ସବ ବି ପାଳନ ଚାଲିଥିଲା। ହେଲେ ଏହାରି ଭିତରେ କ୍ଷଣିକ ମଧ୍ୟରେ ସବୁ ଖୁସି ପାଣିରେ ମିଳାଇଗଲା। ଉତ୍ସବ ଚାଲିଥିବାବେଳେ ହଠାତ ଟଳିପଡ଼ିଲେ ଝିଅର ମା’। କିଛି ସମୟ ମଧ୍ୟରେ ଖୁସିର ବାତାବରଣ ପାଲଟିଗଲା ଶୋକାକୂଳ ପରିବେଶରେ। ଏଭଳି ଏକ ହୃଦୟ ବିଦାରକ ଦୃଶ୍ୟ ଆସିଛି ଗୁଜରାଟରୁ।
दुखद घटना : गुजरात के वलसाड में बेटे की बर्थडे पार्टी में मां यामिनी बेन की हार्टअटैक से मौत हो गई। वो स्टेज पर थीं, पति के कंधे पर हाथ रखा, जमीन पर गिर पड़ीं और फिर नहीं उठीं। pic.twitter.com/TEIXeMWUJL
— Mukesh Rajput Journalist (@Mukeshk92294988) September 17, 2024
ଗୁଜରାଟର ଭଲସାଡ ଅଞ୍ଚଳରେ ଏକ ପରିବାରର ଜନ୍ମଦିନ ଉତ୍ସବ ପାଳନ ହେଉଥିଲା। ଷ୍ଟେଜ ଉପରେ ଝିଅକୁ ଧରି ମା’ବାପା ଛିଡ଼ା ହୋଇଥିଲେ। ଅତିଥିମାନେ ଆସି କୁନି ଝିଅକୁ ଜନ୍ମଦିନ ଶୁଭେଚ୍ଛା ଜଣାଉଥିଲେ। ବାପା ଜଣକ ଝିଅକୁ ଧରି ଷ୍ଟେଜରୁ ଓହ୍ଲାଇବା ସମୟରେ ମା’ ପଛପଟୁ ଝିଅକୁ ନିଜ କୋଳକୁ ଆଣିବାକୁ ଉଦ୍ୟମ କରିଥିଲେ। ହେଲେ ତାହା ବି ତାଙ୍କ ଭାଗ୍ୟରେ ନ ଥିଲା। ଝିଅକୁ ଧରିବା ପୂର୍ବରୁ ସେ ଷ୍ଟେଜ ଉପରୁ ଟଳିପଡ଼ିଥିଲେ। ହଠାତ ଏପରି କ’ଣ ହେଲା କେହି କିଛି ବୁଝି ପାରିଲେ ନାହିଁ। ମହିଳାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା। ହେଲେ ସେତେବେଳକୁ ତାଙ୍କର ମୃତ୍ୟୁ ଘଟିସାରିଥିଲା।
Comments are closed.