ଅଧିକାଂଶ ସମୟରେ ଲୋକେ ଯେକୌଣସି ଖାଦ୍ୟ ଖାଇବା ପୂର୍ବରୁ କିଛି ଚିନ୍ତା କରନ୍ତି ନାହିଁ। କିଛି ଖାଦ୍ୟ ଖାଇବା ପରେ କିମ୍ବା ପୂର୍ବରୁ ଏଭଳି କିଛି କଥା ରହିଛି, ଯାହା ସଭିଏଁ ଜାଣିବା ଆବଶ୍ୟକ। କାରଣ ଏହାର କୁପ୍ରଭାବ ସ୍ୱାସ୍ଥ୍ୟ ଉପରେ ପଡିଥାଏ। ସେହିପରି ଏପରି କିଛି ଖାଦ୍ୟ ରହିଛି, ଯାହାକୁ କ୍ଷୀର ପିଇବା ପରେ ସେବନ କରିବା ଉଚିତ ନୁହେଁ। କ୍ଷୀର ପିଇବା ପରେ ସେହି ଖାଦ୍ୟର ସେବନ କରିବା ଦ୍ୱାରା ସ୍ୱାସ୍ଥ୍ୟ ଜନିତ ନାନାଦି ସମସ୍ୟା ସୃଷ୍ଟି ହୋଇଥାଏ।
କ୍ଷୀର ପିଇବା ପରେ ତୁରନ୍ତ ଲେମ୍ବୁ ଖାଆନ୍ତୁ ନାହିଁ। ଏହା ଦ୍ୱାରା ପାଚନ ଉପରେ କୁପ୍ରଭାବ ପଡିଥାଏ। ଗ୍ୟାଷ୍ଟ୍ରିକ ସହ ଅନ୍ୟାନ୍ୟ ପେଟ ଜନିତ ସମସ୍ୟା ହୋଇଥାଏ।
କ୍ଷୀର ପିଇବା ପରେ ମୂଳା ଖାଆନ୍ତୁ ନାହିଁ। ଏହାଦ୍ୱାରା ତ୍ୱଚା ଓ ପେଟ ଜନିତ ଅନେକ ସମସ୍ୟା ହୋଇଥାଏ। ଚର୍ମ ଜନିତ ରୋଗ ମଧ୍ୟ ହୋଇଥାଏ। ତେଣୁ କ୍ଷୀର ପିଇବା ପରେ ମୂଳା ଖାଆନ୍ତୁ ନାହିଁ।
କ୍ଷୀର ପିଇବା ପରେ କିମ୍ବା ପୂର୍ବରୁ ମାଛ ଖାଆନ୍ତୁ ନାହିଁ। ଏପରି କରିବା ଦ୍ୱାରା ତ୍ୱଚା ଓ ଚର୍ମରେ ବିଭିନ୍ନ ପ୍ରକାର ଦାଗ ହେବା ସହ ଖାଦ୍ୟ ସଠିକ ଭାବେ ହଜମ ହୋଇନଥାଏ।
କ୍ଷୀର ପିଇବାର ତୁରନ୍ତ ପରେ କୌଣସି ଖଟା ଜାତୀୟ ଫଳ ଖାଆନ୍ତୁ ନାହିଁ। ଏପରି କରିବା ଦ୍ୱାରା କ୍ୟାଲସିୟମ ଫଳରେ ଥିବା ଏନଜାଇମ୍କୁ ଶୋଷି ନେଇଥାଏ। ଏହାଦ୍ୱାରା ଶରୀରକୁ ସଠିକ ପୋଷକ ତତ୍ତ୍ୱ ମିଳିପାରେ ନାହିଁ। କ୍ଷୀର ପିଇବା ପରେ କମଳା, ସପୁରୀ ଭଳି ଫଳ ଆଦୌ ଖାଆନ୍ତୁ ନାହିଁ।
କ୍ଷୀର ପିଇବା ପରେ ପଣସ ଆଦୌ ଖାଆନ୍ତୁ ନାହିଁ। ପଣସ ଖାଇବା ଦ୍ୱାରା ତ୍ୱଚା,ଚର୍ମ କୁଣ୍ଡାଇବା ଭଳି ହେବା ସହ ଲାଲ ଦାଗ ସୃଷ୍ଟି ହୋଇଥାଏ।
