ପୁଣି ସେନା ଉପରେ ଆକ୍ରମଣ: ୨ଜବାନ ସହିଦ

ଶ୍ରୀନଗର: ଜମ୍ମୁ- କାଶ୍ମୀରର ଅନନ୍ତନାଗଠାରେ ଶୁକ୍ରବାର ସିଆରପିଏଫର ଏକ ଦଳ ଉପରେ ଆତଙ୍କବାଦୀଙ୍କ ପକ୍ଷରୁ ଆକ୍ରମଣ କରାଯାଇ ଥିଲା। ଆତଙ୍କବାଦୀଙ୍କ ଗୁଳି ବର୍ଷଣରେ ଦୁଇ ସିଆରପିଏଫ ଜବାନ ଆହତ ହୋଇଥିବାବେଳେ ୨ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଯାଇଛି। ଗୁରୁବାର ସ୍ଥାନୀୟ କୁପବାଡ଼ାଠାରେ ସେନା ଓ ଆତଙ୍କବାଦୀଙ୍କ ମଧ୍ୟରେ ହୋଇଥିବା ଗୁଳି ବିନିମୟରେ ଜଣେ ଆତଙ୍କବାଦୀଙ୍କୁ ମାରି ଦେଇଥିଲେ। ଚଳିତ ବର୍ଷ କାଶ୍ମୀରରେ ଅଦ୍ୟାବଧି ୮୨ଜଣ ସ୍ଥାନୀୟ ଯୁବକ ଆତଙ୍କବାଦୀ ସଂଗଠନରେ ସାମିଲ ହୋଇଛନ୍ତି। କେବଳ ଏପ୍ରିଲ ମାସରେ ୨୫ଜଣ ଯୁବକ ଆତଙ୍କବାଦୀ ସଂଗଠନରେ ସାମିଲ ହୋଇଛନ୍ତି। ଫଳରେ କାଶ୍ମୀରରେ ଆଇନଶୃଙ୍ଖଳା ପରିସ୍ଥିତି ଜାରି ରଖିବାକୁ ସେନାକୁ ନାହି ନଥିବା ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି। ଆତଙ୍କବାଦୀ ସ୍ଥାନୀୟ ଯୁବକ ହୋଇଥିବାରୁ ସେମାନଙ୍କୁ ଅଞ୍ଚଳବାସୀ ସମର୍ଥନ କରୁଥିବା ମଧ୍ୟ ପରିଲକ୍ଷିତ ହେଉଛି।