ନୂଆଦିଲ୍ଲୀ: ବିଶ୍ବର ପ୍ରମୁଖ ସଫ୍ଟୱେର କମ୍ପାନୀ ମାଇକ୍ରୋସଫ୍ଟ ପାକିସ୍ତାନରେ ଏହାର କାରବାରକୁ ସମ୍ପୂର୍ଣ୍ଣ ରୂପେ ବନ୍ଦ କରିଦେଇଛି। ମାଇକ୍ରୋସଫ୍ଟ ଦୀର୍ଘ ୨୫ ବର୍ଷ ହେଲା ପାକିସ୍ତାନର ଏହାର ବ୍ୟାବସାୟିକ କାର୍ଯ୍ୟ ଚଳାଇ ଆସୁଥିଲା। ଗତ କିଛି ବର୍ଷ ହେଲା କମ୍ପାନୀ ପାକିସ୍ତାନରୁ ଏହାର ବ୍ୟବସାୟ ଧୀରେ ଧୀରେ ବନ୍ଦ କରିବାରେ ଲାଗିଥିଲା। ଶୁକ୍ରବାର କମ୍ପାନୀ ଏହାର କାରବାରକୁ ସମ୍ପୂର୍ଣ୍ଣ ବନ୍ଦ କରିଦେଇଛି। ତେବେ ଏ ସମ୍ପର୍କରେ କମ୍ପାନୀ ପକ୍ଷରୁ କୌଣସି ବିଧିବଦ୍ଧ ଘୋଷଣା କରାଯାଇ ନାହିଁ। ମାତ୍ର କମ୍ପାନୀ ପାକିସ୍ତାନରେ ଏହାର କାରବାର ସମ୍ପୂର୍ଣ୍ଣ ରୂପେ ବନ୍ଦ କରିବା ସମ୍ପର୍କରେ ଲିଙ୍କଡ୍ ଇନ୍ରେ ମାଇକ୍ରୋସଫ୍ଟର ପାକିସ୍ତାନ ମୁଖ୍ୟ ଜୱାଦ ରେହମାନ ଘୋଷଣା କରିଛନ୍ତି। ପାକିସ୍ତାନରେ ଏବେ ମାଇକ୍ରୋସଫ୍ଟର ଏକମାତ୍ର ଲିଆସନ ଅଫିସ ରହିଛି ଯେଉଁଠାରେ ମାତ୍ର ୫ଜଣ କର୍ମଚାରୀ କାମ କରୁଛନ୍ତି। ପାକିସ୍ତାନରେ କାରବାର ବନ୍ଦ କରିବା ପଛର କାରଣ ହେଉଛି କମ୍ପାନୀ ଏହାର କର୍ମଚାରୀ ସଂଖ୍ୟା ହ୍ରାସ କରିବାକୁ ନିଷ୍ପତ୍ତି ନେଇଛି। ଦ୍ବିତୀୟ କାରଣ ହେଉଛି ପାକିସ୍ତାନର ଅସ୍ଥିର ଅର୍ଥନୀତି ଓ ବାରମ୍ବାର ରାଜନୈତିକ କ୍ଷମତା ପରିବର୍ତ୍ତନ।
Popular Categories
Previous article
Next article