ନୂଆଦିଲ୍ଲୀ : ଭାରତୀୟ ମୋବାଇଲ କମ୍ପାନୀ ‘ମାଇକ୍ରୋମାକ୍ସ ସ୍ପାର୍କ ଗୋ’ ନାମକ ଏକ ନୂଆ ସ୍ମାର୍ଟଫୋନ ଲଞ୍ଚ କରିଛି। ଏହି ଫୋନକୁ ଆଣ୍ଡ୍ରଏଡ ଗୋ ଏଡିସନ ସହିତ ଲଞ୍ଚ କରାଯାଇଛି। ଏହି ଫୋନର ମୂଲ୍ୟ ମାତ୍ର ୩,୯୯୯ ଟଙ୍କା। ଅକ୍ଟୋବର ୨୬ ତାରିଖରୁ ଫ୍ଲିପକାର୍ଟରେ ଏହାର ବିକ୍ରି ଆରମ୍ଭ ହୋଇଛି। ଏହି ଫୋନ କିଣିଲେ ଆପଣ ଜିଓ ତରଫରୁ ୨୫ ଜିବି ଡାଟା ପାଇପାରିବେ। ଏଥିରେ ଡୁଆଲ ସିମ୍ ସହିତ ଆଣ୍ଡ୍ରଏଡ ଓରିୟୋର ଗୋ ଏଡିସନ ଦିଆଯାଇଛି। ଏହାବ୍ୟତୀତ ଫୋନରେ ୫ଇଞ୍ଚ୍ର ଏଫଡବ୍ଲୁଭିଜିଏ ଡିସପ୍ଲେ ରହିଛି। ଯାହାର ରିଜୋଲ୍ୟୁସନ ୪୮୦/୮୫୪ ପିକ୍ସଲ। ଏହି ଫୋନରେ ସ୍ପିଡଡ୍ରମର ଏସ୍ସି୯୮୩୨ଇ ପ୍ରୋସେସର, ଗ୍ରାଫିକ୍ସ ପାଇଁ ମାଲି ଟି୭୨୦ ଜିପିୟୁ, ୧ ଜିବି ରାମ ଏବଂ ୮ ଜିବି ଷ୍ଟୋରେଜ ରହିିଛି। ଯାହାକୁ ୩୨ ଜିବି ପର୍ଯ୍ୟନ୍ତ ବଢାଇପାରିବେ।
‘ମାଇକ୍ରୋମାକ୍ସ ସ୍ପାର୍କ ଗୋ’ର କ୍ୟାମେରା ବିଷୟରେ କହିଲେ ଏଥିରେ ୨ମେଗାପିକ୍ସେଲର ଆଗପଟ କ୍ୟାମେରା ଏବଂ ୫ ମେଗାପିକ୍ସେଲର ରିୟର କ୍ୟାମେରା ଦିଆଯାଇଛି। ଉଭୟ କ୍ୟାମେରା ସହିତ ପ୍ଲାସଳାଇଟର ସୁବିଧା ରହିଛି। ଏଥିରେ ୨୦୦୦ଏମ୍ଏଚର ବ୍ୟାଟେରୀ ରହିଛି ଏବଂ ସଂଯୋଗ ପାଇଁ ଏଥିରେ ୪ଜି ଭୋଲଟିଇ, ୱାଇ-ଫାଇ, ବ୍ଲୁଟୁଥ ଭି୪.୦, ଜିପିଏସ୍, ମାଇକ୍ରୋ ୟୁଏସବି ପୋର୍ଟ ଏବଂ ୩.୫ଏମ୍ଏମର ହେଡଫୋନ ଜ୍ୟାକ ଦିଆଯାଇଛି।
‘ମାଇକ୍ରୋମାକ୍ସ ସ୍ପାର୍କ ଗୋ’ର ବଜାର ପ୍ରବେଶ
Popular Categories
Previous article
Next article