ଫେବୃଆରୀ ୨୪ରେ ମନର କଥା କହିବେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତାକାଲି (ଫେବୃଆରୀ ୨୪) ମନ୍‍ କି ବାତ୍‍ କାର୍ଯ୍ୟକ୍ରମ ଶୀର୍ଷକରେ ଦେଶବାସୀଙ୍କ ଉଦ୍ଦେଶ୍ୟରେ ଉଦ୍‍ବୋଧନ ଦେବେ। ଆକାଶବାଣୀରେ ଦିନ ୧୧ଟା ସମୟରେ ଏହି କାର୍ଯ୍ୟକ୍ରମ ପ୍ରସାରଣ କରାଯିବ। ଏହା ପ୍ରଧାନମନ୍ତ୍ରୀଙ୍କର ୫୩ତମ ମନ୍‍ କି ବାତ୍‍ ସଂସ୍କରଣ ହେବ। ଟ୍ୱିଟ୍‍ ଜରିଆରେ ପ୍ରଧାନମନ୍ତ୍ରୀ ଦେଶର ଜନସାଧାରଣଙ୍କୁ ସେମାନଙ୍କର ଚିନ୍ତାଧାରା ଓ ମତାମତ ନରେନ୍ଦ୍ର ମୋଦୀ ଆପ୍‍ ଏବଂ ମାଇଁ ଗଭ୍‍ ଓପନ୍‍ ଫୋରମ୍‍ ମାଧ୍ୟମରେ ପଠାଇବା ପାଇଁ ଅନୁରୋଧ କରିଛନ୍ତି। ଜନସାଧାରଣ ୧୮୦୦-୧୧୭୮୦୦ରେ ସେମାନଙ୍କର ବାର୍ତ୍ତାକୁ ହିନ୍ଦୀ କିମ୍ବା ଇଂରାଜିରେ ରେକର୍ଡ କରି ପଠାଇପାରିବେ। ସେହିଭଳି ୧୯୨୨ନମ୍ବରକୁ ମିସ୍‍କଲ୍‍ କରି ଓ ଏସ୍‍ଏମ୍‍ଏସ୍‍ ମାଧ୍ୟମରେ ଜନସାଧାରଣ ସେମାନଙ୍କ ମତାମତ ମଧ୍ୟ ପଠାଇ ପାରିବେ।