ନୂଆଦିଲ୍ଲୀ : ବାପାଙ୍କ ଇଚ୍ଛା ପୂରଣ କରିବାକୁ କ୍ରିକେଟକୁ କ୍ୟାରିୟର କରିବାକୁ ନିଷ୍ପତ୍ତି ନେଇଥିବା ସୂଚନା ଦେଇଛନ୍ତି ଭାରତୀୟ ମହିଳା କ୍ରିକେଟର୍ ସ୍ମୃତି ମାନ୍ଧାନା। ଏକ ଟେଲିଭିଜନ କାର୍ଯ୍ୟକ୍ରମରେ ଯୋଗ ଦେଇଥିବା ମାନ୍ଧାନା କହିଥିଲେ ତାଙ୍କ ବାପା େଛାଟବେଳୁ କ୍ରିକେଟ ଖେଳି ଆସୁଥିଲେ। ତେବେ କ୍ରିକେଟକୁ ପେସା କରିବାକୁ ତାଙ୍କୁ ଅନୁମତି ମିଳିନଥିଲା। ତେଣୁ ତାଙ୍କର ସ୍ବପ୍ନ ଅଧୁରା ରହି ଯାଇଥିଲା। ଅନ୍ୟପକ୍ଷରେ ବାପା ଚାହୁଁଥିଲେ ତାଙ୍କ ପିଲାମାନେ କ୍ରିକେଟ ଖେଳନ୍ତୁ ଏବଂ ଜାତୀୟ ଦଳକୁ ପ୍ରତିନିଧିତ୍ବ କରନ୍ତୁ। ବାପାଙ୍କ ଇଚ୍ଛା ପୂରଣ କରିବାରେ ସକ୍ଷମ ହୋଇଥିବାରୁ ବେଶ୍ ଖୁସି ଥିବା ମାନ୍ଧାନା ସ୍ପଷ୍ଟ କରି ଦେଇଛନ୍ତି।
କ୍ରିକେଟ ଖେଳିବା ଆରମ୍ଭ କରିବା ସମୟରେ ତାଙ୍କ ଭାଇ ବହୁତ ସାହାଯ୍ୟ କରିଥିବା ମାନ୍ଧାନା ସୂଚନା ଦେଇଥିଲେ। ଭାରତ ତରଫରୁ ଖେଳିବା ତାଙ୍କ ପାଇଁ ଗର୍ବର ବିଷୟ ଏବଂ ନିଜ ପ୍ରଦର୍ଶନ ବଳରେ ଦଳକୁ ବିଜୟୀ କରାଇବା ମୁଖ୍ୟ ଲକ୍ଷ୍ୟ ବୋଲି ମାନ୍ଧାନା କହିଥିଲେ। ସୂଚନାଥାଉ କି ଗତସପ୍ତାହରେ ଅଷ୍ଟ୍ରେଲିଆ ବିପକ୍ଷ ଟେଷ୍ଟ ମ୍ୟାଚ୍ରେ ଭାରତର ବିଜୟରେ ମାନ୍ଧାନାଙ୍କ ପ୍ରମୁଖ ଭୂମିକା ରହିଥିଲା। ଆଗାମୀଦିନରେ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷରେ ଟି୨୦ ଓ ଏକଦିବସୀୟ ଶୃଙ୍ଖଳା ଖେଳିବାକୁ ଯାଉଥିବା ବେଳେ ଏଥିରେ ମାନ୍ଧାନାଙ୍କ ଭୂମିକା ଗୁରୁତ୍ବପୂର୍ଣ୍ଣ ରହିବ।
