ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଡକାଯାଇଥିବା ସବୁ ଦଳର ଅଧ୍ୟକ୍ଷଙ୍କ ବୈଠକରେ ତୃଣ ମୂଳ କଂଗ୍ରେସ ଅଧ୍ୟକ୍ଷା ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଯୋଗ ଦେବେ ନାହିଁ। ମମତା ବାନାର୍ଜୀ ସଂଦୀୟ କାର୍ଯ୍ୟମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ ଚିଠି ଲେଖି ଏହା ଅବଗତ କରାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଡାକିଥିବା ରାଜନୈତିକ ଦଳ ଅଧ୍ୟକ୍ଷଙ୍କ ବୈଠକରେ ସେ ଯୋଗଦେବେ ନାହିଁ ବୋଲି ଚିଠିରେ ଉଲ୍ଲେଖ କରିଛନ୍ତି। ଏହାସହ କଲକତାଠାରେ ମମତା କହିଛନ୍ତି ଯେ ଟିଏମସି ଏକ ଦୁର୍ବଳ ଦଳ ନୁହେଁ। ଅର୍ଥ ଓ ପଦ ଲୋଭରେ ଟିଏମସି ବିଧାୟକମାନେ ଦଳ ଛାଡ଼ି ଯାଉଛନ୍ତି। ଏଭଳି ଚୋର ବିଧାୟକଙ୍କୁ ସେ ଦଳରେ ରଖିବାକୁ ଚାହୁଁନାହାନ୍ତି। ଏଭଳି ସେ ୫୦୦ ନେତା ସୃଷ୍ଟି କରିପାରିବେ।
ପ୍ରକାଶ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂସଦରେ ପ୍ରତିନିଧିତ୍ୱ କରୁଥିବା ସବୁ ରାଜନୈତିକ ଦଳର ଅଧ୍ୟକ୍ଷଙ୍କୁ ଜୁନ୍ ୧୯ ବୈଠକରେ ଯୋଗଦେବାକୁ ନିମନ୍ତ୍ରଣ କରିଛନ୍ତି। ଏହାବାଦ ଜୁନ ୨୦ରେ ମୋଦୀ ଲୋକସଭା ଏବଂ ରାଜ୍ୟସଭା ସାଂସଦଙ୍କ ବୈଠକ ଡାକିଛନ୍ତି।
ପ୍ରହ୍ଲାଦ ଯୋଶୀ କହିଛନ୍ତି ଯେ ପ୍ରଧାନମନ୍ତ୍ରୀ ଗୋଟିଏ ଦେଶ-ଗୋଟିଏ ନିର୍ବାଚନ ଏବଂ ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତ୍ରୀ ସହିତ କେତେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଆଲୋଚନା କରିବାକୁ ଜୁନ ୧୯ରେ ସବୁ ରାଜନୈତିକ ଦଳ ଅଧ୍ୟକ୍ଷଙ୍କ ବୈଠକ ଡାକିଛନ୍ତି।
ମୋଦୀ ଡାକିଥିବା ସବୁ ଦଳର ଅଧ୍ୟକ୍ଷଙ୍କ ବୈଠକରେ ଯୋଗଦେବେନି ମମତା
Popular Categories
Previous article
Next article