ମାଲକାନଗିରି : ଦୀର୍ଘ ଦିନ ପରେ ମାଲକାନଗିରି ପୁଲିସକୁ ଏକ ବଡ଼ ସଫଳତା ମିଳିଛି । ମାଲକାନଗିରି ଜିଲ୍ଲାର ମାଥିଲି ଓ ଛତିଶଗଡ଼ ସହ ଲାଗି ରହିଥିବା ସୀମାନ୍ତ ଅଞ୍ଚଳରେ ତଲାସି ଅଭିଯାନ ବେଳେ ଏସଓଜି ଓ ଡିଭିଏଫ ଦ୍ୱାରା ମାଥିଲି ଥାନା ଅଞ୍ଚଳରୁ ଦୁର୍ଦାନ୍ତ ମାଓବାଦୀ ଦୁଧି ମାନ୍ଦାକୁ ଗିରଫ କରାଯାଇଛି ।
ସୂଚନା ଅନୁଯାୟୀ ଛତିଶଗଡ଼ ସୀମାକୁ ଲାଗି ରହିଥିବା ମାଲକାନଗିରି ଜିଲ୍ଲାର ମାଥିଲି ଅଞ୍ଚଳରେ ଯବାନଙ୍କ ପକ୍ଷରୁ ତଲାସି ଅଭିଯାନ ବେଳେ ଦୁଧି ମାନ୍ଦା ନାମକ ମାଓବାଦୀ ଜଙ୍ଗଲ ମଧ୍ୟରେ ଯବାନଙ୍କୁ ଦେଖି ଲୁଚି ପଳାଇବା ପାଇଁ ଉଦ୍ୟମ କରୁଥିଲା । ତେବେ ଯବାନ ମାନେ ତାକୁ ଠାବ କରି ଗିରଫ କରିବାରେ ସଫଳ ହୋଇଥିଲେ । ଏହି ମାଓବାଦୀ ଜଣଙ୍କ ଛତିଶଗଡ଼ର କୋଣ୍ଟା ମାଓ ଡିଭିଜନର ଏଲ ଓ ଏସ ସଦସ୍ୟ ଭାବେ କାର୍ୟ୍ୟ କରୁଥଲା । ୨୦୨୧ ମସିହାରେ ଛତିଶଗଡ଼ର କୁମୁଖରୀ ବଦଳିପାରା ଅଞ୍ଚଳରେ ପୁଲିସ ସହ ଗୁଳିବିନିମୟ ଓ ସୀମାନ୍ତ ଅଞ୍ଚଳର ନିରୀହ ଆଦିବାସୀଙ୍କୁ ମାଓ ସଂଗଠନରେ ସାମିଲ ପାଇଁ ପ୍ରଚେଷ୍ଟା ଓ ଧମକ ଦେବା ଭଳି ଅଭିଯୋଗରେ ସାମିଲ ଥିଲା । ତେବ ଆଜି ଯବାନଙ୍କ ପକ୍ଷରୁ ମାଥିଲି ଓ ଏହାର ସୀମାନ୍ତ ଅଞ୍ଚଳରେ ତଲାସି ଅଭିଯାନ ବେଳେ ଏହି ମାଓବାଦୀକୁ ଜଙ୍ଗଲରୁ ଗିରଫ କରାଯାଇଛି । ଏହି ମାଓବାଦୀ ନାମରେ ୨ଲକ୍ଷ ଟଙ୍କା ଘୋଷଣା ଥିବା ବେଳେ ଯବାନମାନେ ତାକୁ ଗିରଫ କରି ମାଥିଲି କୋର୍ଟରେ ହାଜର କରାଇଥିବା ଜଣା ପଡିଛି ।
ତଲାସି ଅଭିଯାନ ବେଳେ କୁଖ୍ୟାତ ମାଓବାଦୀ ଗିରଫ
Popular Categories
Previous article
Next article