ମାଲକାନଗିରି: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡରେ ମାଓବାଦୀ ମାନେ ସହିଦ ସପ୍ତାହ ପାଳନ କରିଛନ୍ତି । ସହିଦ ସପ୍ତାହ ପାଳନ କରୁଥିବାର ଏକ ଭିଡିଓ ବର୍ତ୍ତମାନ ମାଓ ସଙ୍ଗଠନ ପକ୍ଷରୁ ଜାରି କରାଯାଇଛି। ଦୀର୍ଘ ସମୟ ପରେ ମାଓବାଦୀ ଏହି ସହିଦ ସପ୍ତାହ ପାଳନ କରୁଥିବାର ଭିଡିଓ ସାମ୍ନା କୁ ଆସିଥିବା ବେଳେ ସଙ୍ଗଠନ ପକ୍ଷରୁ ଶୋଭାଯାତ୍ରା ଓ ସାଂସ୍କୃତିକ କାର୍ଯ୍ୟକ୍ରମ ହେଉଥିବା ଦେଖିବାକୁ ମିଳିଛି। ଛତିଶଗଡ଼ର ବସ୍ତର ଅଞ୍ଚଳରେ ଥିବା ବିଭିନ୍ନ ଜଙ୍ଗଲ ଓ ରାଜ୍ୟର ବିଭିନ୍ନ ସ୍ଥାନରେ ଏହି ସହିଦ ସପ୍ତାହ ପାଳନ କରାଯାଇଥିବା କୁହାଯାଇଛି।
ମାଓବାଦୀ ସଂଗଠନର ସଦସ୍ୟମାନେ ପାରମ୍ପରିକ ଢୋଲର ସଙ୍ଗେ ନୃତ୍ୟ କରୁଛନ୍ତି ଓ ବହୁ ସଂଖ୍ୟକ ଗ୍ରାମବାସୀଙ୍କ ଉପସ୍ଥିତି ଥିବା ଦେଖିବାକୁ ମିଳିଛି। ମାଓବାଦୀଙ୍କ ବରିଷ୍ଠ ନେତା ବସବରାଜୁ ଓ ତାଙ୍କ ସହଯୋଗୀମାନଙ୍କ ପାଇଁ ଏକ ନୂତନ ସ୍ମାରକ ନିର୍ମାଣ କରିଥିବା ମଧ୍ୟ ଜଣାପଡିଛି। ସେହିପରି ମାଓ ବ୍ୟାନର୍ରେ “କେନ୍ଦ୍ରୀୟ କମିଟି ସଦସ୍ୟ ଚଳପତି ଓ ଗୌତମ ଅମର ରହନ୍ତୁ”, “ଅମରଶହୀଦଙ୍କ ତ୍ୟାଗକୁ ଉଚ୍ଚରେ ରଖିବା”, “ଶହୀଦଙ୍କ ତ୍ୟାଗ ବ୍ୟର୍ଥ ହେବନାହିଁ”, ଏବଂ “ଅପରେସନ କାଗର୍ ଦମନକୁ ଆମେ ପରାଜିତ କରିବୁ” ପରି ସ୍ଲୋଗାନ୍ ଲେଖାଯାଇଛି।
ସହିଦ ସପ୍ତାହ ପାଳନ କଲେ ମାଓବାଦୀ
Popular Categories
Previous article
Next article