ନୂଆଦିଲ୍ଳୀ: ମହାରାଷ୍ଟ୍ରରେ ଏବେ ବି ଜାରି ରହିଛି ରାଜନୈତିକ ସଂକଟ । ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବାକୁ ଉଦ୍ଧବ ଠାକରେଙ୍କ ପ୍ରସ୍ତାବ ଦିଆଯାଇଥିବା ସୂଚନା ମିଳିଛି । ଖୁବଶୀଘ୍ର ମହାରାଷ୍ଟ୍ରରେ ଉଦ୍ଧବଙ୍କ ସରକାର ଭାଙ୍ଗିପାରେ ବୋଲି ଆଶା କରାଯାଉଥିବା ବେଳେ ସରକାର ଭାଙ୍ଗିବା ଆଶଙ୍କା କରି ଆଗୁଆ ମୁଖ୍ୟମନ୍ତ୍ରୀ ନିବାସ ଛାଡ଼ିଛନ୍ତି ଉଦ୍ଧବ ଠାକରେ । ଉଦ୍ଧବ ଆଜି ମୁଖ୍ୟମନ୍ତ୍ରୀ ନିବାସ ଛାଡ଼ିଥିବା ଜଣାପଡ଼ିଛି । ସେପଟେ ଏମଭିଏ ଡାଡ଼ିବାକୁ ବିଦ୍ରୋହୀ ନେତା ଏକନାଥ ସିନ୍ଦେ ପ୍ରସ୍ତବ ଦେଇଛନ୍ତି । ଏନେଇ ୩୪ ବିଧାୟକଙ୍କ ଦସ୍ତଖତ ସମ୍ବଳିତ ସମର୍ଥନ ପତ୍ର ରାଜ୍ୟପାଳଙ୍କୁ ପଠାଯାଇଛି । ତାହାସହ ଏକନାଥଙ୍କୁ ଶିବସେନା ବିଧାୟକ ଦଳନେତା ପାଇଁ ରାଜ୍ୟପାଳଙ୍କୁ ପ୍ରସ୍ତବ ଦେଇଛନ୍ତି ।
ଏନେଇ ଗତକାଲି ଏକ ବୈଠକ ବସିଥିଲା । କୁହାଯାଉଥିଲା ଗତକାଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ମୁଖ୍ୟମନ୍ତ୍ରୀ ମଦରୁ ଇସ୍ତଫା ଦେବେ । ହେଲେ ଉଦ୍ଧବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇନଥିଲେ । ମହାରାଷ୍ଟ୍ରରେ ମେଣ୍ଟ ସରକାରର ମୁଖ୍ୟ ଅଂଶୀଦାର ଶିବସେନାର କିଛି ବିଧାୟକ ବିଦ୍ରୋହୀ ଭୂମିକାରେ ଅବତୀର୍ଣ୍ଣ ଯୋଗୁ ଏପରି ରାଜନୈତିକ ସଙ୍କଟ ଦେଖାଦେଇଛି । ଶିବସେନାର ବରିଷ୍ଠ ବିଧାୟକ ତଥା ରାଜ୍ୟ ସରକାରର କ୍ୟାବିନେଟ ମନ୍ତ୍ରୀ ଏକନାଥ ସିନ୍ଧେଙ୍କ ନେତୃତ୍ବରେ ଅନେକ ବିଧାୟକ ଏକଜୁଟ୍ ହେଉଛନ୍ତି । ଏହି ବିଧାୟକମାନେ ଶିବସେନା, ଏନସିପି ଓ କଂଗ୍ରେସକୁ ନେଇ ଗଠିତ ରାଜ୍ୟର ମହା ବିକାଶ ଅଘାଡି (ଏମ୍ଭିଏ) ଭାଙ୍ଗିବାର ଯୋଜନା କରିଛନ୍ତି। ଏଥିରେ ବିରୋଧୀ ଦଳ ବିଜେପି ସାମିଲ ହୋଇଛି। ରାଜ୍ୟର ଏପରି ରାଜନୈତିକ ସଂକଟକୁ ନେଇ ରାଜନୈତିକ ବୟାନବାଜି ଆରମ୍ଭ ହୋଇଛି।
Comments are closed.