ମୁମ୍ବଇ : ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ପ୍ରଚାର ଅଭିଯାନ ସରଗରମ ହୋଇ ଉଠିଛି । ଶନିବାର ପ୍ରଚାର ଶେଷ ହେବ ଏବଂ ସୋମବାର ମତଦାନ ଅନୁଷ୍ଠିତ ହେବ । ମହାରାଷ୍ଟ୍ର ଇଲେକସନ ୱାଚ ଏବଂ ଏଡିଆର ପକ୍ଷରୁ ଜାରି ରିପୋର୍ଟରେ ୧୦୦୭ ଜଣ କୋଟିପତି ପ୍ରାର୍ଥୀ ଓ ୯୧୬ଙ୍କ ନାମରେ ଅପରାଧିକ ମାମଲା ଥିବା ଜଣାପଡିଛି।
ମହାରାଷ୍ଟ୍ର ବିଧାନସଭାର ୨୮୮ ଆସନ ପାଇଁ ମୋଟ ୩୨୩୭ ଜଣ ପ୍ରାର୍ଥୀ ନିର୍ବାଚନ ମୈଦାନରେ ଅଛନ୍ତି । ମହାରାଷ୍ଟ୍ର ଇଲେକସନ ୱାଚ ଏବଂ ଆସୋସିଏସନ ଫର ଡେମୋକ୍ରେଟିକ ରିଫର୍ମସ୍(ଏଡିଆର) ପକ୍ଷରୁ ୩୧୧୨ ପ୍ରାର୍ଥୀଙ୍କ ସତ୍ୟପାଠକୁ ବିଶ୍ଳେଷଣ କରି ଏକ ରିପୋର୍ଟ ଜାରି କରିଛି । ଅନ୍ୟ ୧୨୫ ପ୍ରାର୍ଥୀଙ୍କ ସଂପର୍କରେ ସତ୍ୟପାଠରୁ ସ୍ପଷ୍ଟ ତଥ୍ୟ ମିଳିପାରି ନାହିଁ।
ତେବେ ୩୧୧୨ ଜଣ ପ୍ରାର୍ଥୀଙ୍କ ମଧ୍ୟରୁ ୧୦୦୭ ଜଣ ଅର୍ଥାତ ୩୨ ପ୍ରତିଶତ ହେଉଛନ୍ତି କୋଟିପତି ପ୍ରାର୍ଥୀ । ଏହି ରିପୋର୍ଟ ଅନୁସାରେ ୨୯ ପ୍ରତିଶତ ଅର୍ଥାତ ୯୧୬ ଜଣ ପ୍ରାର୍ଥୀଙ୍କ ନାମରେ ଅପରାଧିକ ମାମଲା ରହିଛି, ଯେଉଁଥିରୁ ୬୦୦ ପ୍ରାର୍ଥୀଙ୍କ ବିରୁଦ୍ଧରେ ଗୁରୁତର ଅପରାଧିକ ମାମଲା ଚାଲିଛି । ୪ ଜଣ ପ୍ରାର୍ଥୀଙ୍କ ନାମରେ ଦୁଷ୍କର୍ମ ଏବଂ ୬୭ ପ୍ରାର୍ଥୀଙ୍କ ନାମରେ ମହିଳାଙ୍କ ବିରୁଦ୍ଧରେ ଅପରାଧ ମାମଲା ରହିଛି।
ତେବେ ୨୦୧୪ ରିପୋର୍ଟ ଅନୁସାରେ ୧୦୯୫ ଜଣ ଅର୍ଥାତ ୪୭ ପ୍ରତିଶତ ହେଉଛନ୍ତି କୋଟିପତି ପ୍ରାର୍ଥୀ ଥିଲେ। ସେହିପରି ଚଳିତ ଥର ପ୍ରାର୍ଥୀଙ୍କ ସମ୍ପତ୍ତି ପ୍ରତିଶତ ହେଉଛି ୪.୨୧ କୋଟି, ଯାହା ଗତଥର ୪.୬୫ କୋଟି ଟଙ୍କା ଥିଲା।
| ଦଳ | ପ୍ରାର୍ଥୀ | ଅପରାଧିକ ମାମଲା | କେତେଜଣ କୋଟିପତି | ସମ୍ପତ୍ତି ପ୍ରତିଶତ |
| ବିଜେପି | ୧୬୨ | ୯୬(୫୯%) | ୧୧୫ (96%) | ୨୩.୫୮ କୋଟି |
| ଶିବସେନା | ୧୨୪ | ୭୫ (୬୧%) | ୧୧୬ (94%) | ୧୨.୫୭ କୋଟି |
| କଂଗ୍ରେସ | ୧୪୭ | ୮୩ (୫୭%) | ୧୨୬ (86%) | ୧୪.୭୮ କୋଟି |
| ଏନସିପି | ୧୧୬ | ୭୩ (୬୩%) | ୧୦୧ (87%) | ୧୧.୪୩ କୋଟି |
| ମନସେ | ୯୯ | ୪୯ (୫୦%) | ୫୨ (53%) | ୨.୨୯ କୋଟି |
