ଡେସ୍କ: ମଧ୍ୟପ୍ରଦେଶର ବାରୱାନି ଜିଲାରେ ସ୍କୁଟିରେ ଦୁଇ ଯୁବକ ଯାଉଥିବା ବେଳେ ବାଣରେ ନିଆଁ ଲଗାଇ ବିସ୍ଫୋରଣ କରି ରାସ୍ତାରେ ଆତଙ୍କ ଖେଳାଇଥିଲେ । ଚଳନ୍ତା ସ୍କୁଟିରେ ଆତସବାଜିର ଭିଡ଼ିଓ ସୋସିଆଲ ମିଡ଼ିଆରେ ଅପଲୋଡ କରିଥିଲେ ଏହି ଦୁଇ ଯୁବକ । ଭିଡ଼ିଓରେ ସେମାନେ କହୁଥିଲେ ଯେ ଯଦି ଦମ ଅଛି ଆମକୁ ଅଟକାଇକି ଦେଖାଓ । ତେବେ ଭିଡ଼ିଓକୁ ଦେଖିବା ପରେ ପୁଲିସ ଉଭୟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପୁଲିସର କାର୍ଯ୍ୟାନୁଷ୍ଠାନ ପରେ ଦୁଇ ଯୁବକ ସର୍ବସାଧାରଣରେ କାନ ଧରି କ୍ଷମା ପ୍ରାର୍ଥନା କରିଛନ୍ତି । ଭାଇରାଲ ଭିଡ଼ିଓ ଆଧାରରେ ବାରୱାନି ପୁଲିସ ଉଭୟ ଯୁବକଙ୍କୁ ଚିହ୍ନଟ କରି ସେମାନଙ୍କ ବିରୋଧରେ ମାମଲା ରୁଜୁ କରି ଗିରଫ କରିଛି । ଏହାସହିତ ସେମାନଙ୍କ କାର୍ଯ୍ୟକଳାପ କ’ଣ ରହିଥିଲା ତାହା ମଧ୍ୟ ଜଣାଇଛି ପୁଲିସ ।
କୋଟୱାଲି ପୁଲିସ ଷ୍ଟେସନ ଦାୟିତ୍ୱରେ ଥିବା ଦୀନେଶ ଚୌହାନ କହିଛନ୍ତି ଯେ ସୋସିଆଲ ମିଡ଼ିଆରେ ଦୁଇ ଜଣ ଯୁବକଙ୍କ ଭିଡ଼ିଓ ଭାଇରାଲ ହେଉଛି । ମୁଖ୍ୟ ରାସ୍ତାରେ ଦୁଇ ଜଣ ଯୁବକ ସ୍କୁଟିରେ ଆତସବାଜି କରି ବିପଦପୂର୍ଣ୍ଣ ଭାବରେ ଯାଉଥିଲେ । ଏହି ଦୁଇ ଯୁବକ ହେଲେ ସୁଦୀପ ଜୟପାଲ ଏବଂ ରାଜା କୁଶୱା । ଦୁଇ ଯୁବକଙ୍କୁ ପୁଲିସ ସାବାଡ କରିବା ପରେ ସେମାନେ କାନ ଧରି କ୍ଷମା ପ୍ରାର୍ଥନା କରିଥିଲେ । ଯାହାର ଭିଡ଼ିଓ କରି ପୁଲିସ ସେୟାରେ କରିଛି । ଫଳରେ ଅନ୍ୟ କେହି କେବେ ଏଭଳି କାମ କରିବାକୁ ସାହାସ କରିବେ ନାହିଁ ।
Comments are closed.