ବଲାଙ୍ଗିର : କଳାହାଣ୍ଡି ଜିଲା ଭବାନୀପାଟଣା ଛତର ଯାତ୍ରାରୁ ଚୋରି କରି ପୋଖରୀକୁ ମୋବାଇଲ ଫିଙ୍ଗିଦେଲେ ଲୁଟିଆ । ଜଣେ ଯୁବତୀଙ୍କ ସହ ୯ ଅଭିଯୁକ୍ତ ଗିରଫ। ଆନ୍ତରାଜ୍ୟ ଲୁଟେରା ଗ୍ୟାଙ୍ଗ ଛତର ଯାତ୍ରାରେ ମୋବାଇଲ,ପର୍ସ ଲୁଟି ଚୋରି ସାମଗ୍ରୀକୁ ବଲାଙ୍ଗିର ଜିଲ୍ଲାରେ ଆଣି ଭାଗବଣ୍ଟା କରୁଥିଲେ । ବଲାଙ୍ଗିର ଜିଲା ବଙ୍ଗୋମୁଣ୍ଡା ଓ ସିନ୍ଧେକେଲା ପୁଲିସ ଲୁଟେରା ଗ୍ୟାଙ୍ଗକୁ ଧରିଥିଲେ ।
ଚୋରି ଦାମୀ ମୋବାଇଲର ଲୋକେସନ ଟ୍ରାକ କରିବାରୁ ଚୋରି ଧରପଡ଼ିଥିଲା ।ସିନ୍ଧେକେଲା ଅଞ୍ଚଳର ଜଣେ ଠିକାଦାରଙ୍କ ମୋବାଇଲ ଲୁଟ ହୋଇଥିବା ବେଳେ ଟ୍ରାକ କରିବାରୁ କନ୍ଧବାହାଲ ନିକଟରେ ମୋବାଇଲ ଲୋକେସନ ଜଣାପଡିଥିଲା। ଲୋକେ ପିଛା କରିବାରୁ ବଙ୍ଗୋମୁଣ୍ଡା-ସିନ୍ଧେକେଲା ଥାନା ସୀମା କନ୍ଧବାହାଲ ବଜାର ନିକଟରେ ଭାଗ ବଣ୍ଟା ସମୟରେ ଅଭିଯୁକ୍ତମାନେ ପୁଲିସ୍ ହାତରେ ଧରାପଡିଥିଲେ। ଏହି ଚୋର ଗ୍ୟାଙ୍ଗ ମଧ୍ୟପ୍ରଦେଶ ଓ ଛତିଶଗଡ ଛତିଶଗଡ଼ ଅଞ୍ଚଳର ବୋଲି ଜଣାପଡିଛି । ଏମାନଙ୍କ ପାଖରୁ ୪୦ ରୁ ଅଧିକ ମୋବାଇଲ, ୪ ବାଇକ ଜବତ ସହ ପୁଲିସ ୯ ଜଣିଆ ଲୁଟିଆ ଦଳକୁ କଳାହାଣ୍ଡି ପୁଲିସକୁ ହସ୍ତାନ୍ତର କରିଥିବା ଜଣାପଡ଼ିଛି ।
