ଇସଲାମିକ୍‌ ବ୍ୟାଙ୍କ ନାମରେ ୩୦ ହଜାର ମୁସଲିମ୍‌ଙ୍କୁ ଠକିଥିବା ମନସୁର୍‌ ଖାନ ଗିରଫ

ନୂଆଦିଲ୍ଲୀ . – ଇସଲାମିକ୍‌ ବ୍ୟାଙ୍କ ନାମରେ ୩୦ ହଜାର ମୁସଲିମ୍‌ଙ୍କ ଠାରୁ ହଜାର ହଜାର କୋଟି ଟଙ୍କା ଠକି ନେଇଥିବା ମନ୍‌ସୁନ୍‌ ଖାନ୍‌କୁ ଦିଲ୍ଲୀ ବିମାନ ବନ୍ଦରରୁ ଗିରଫ କରାଯାଛି। ମନସୁର୍‌ ଖାନ୍‌ ଆଇଏମ୍‌ଏ ବା ଆଇ ମନିଟାରି ଏଡଭାଇଡି ଜ୍ବେଲ୍ସ୍‌ ନାମକ ଏକ ସଂସ୍ଥା ଖୋଲିଥିଲା । ଶୁକ୍ରବାରରେ ସେ ଦୁବାଇରୁ ଦିଲ୍ଲୀ ପହଞ୍ଚିଥିଲା । ଏହାପରେ ପ୍ରବର୍ତ୍ତନ ନିର୍ଦେଶାଳୟ ବା ଇଡିର ଅଧିକାରୀମାନେ ତାଙ୍କୁ ଦିଲ୍ଲୀ ବିମାନ ବନ୍ଦରରୁ ନିଜ ହେପାଜତକୁ ନେଇଛନ୍ତି । ପ୍ରବର୍ତ୍ତନ ନିର୍ଦେଶାଳୟ ସହ ଏସ୍‌ଆଇଟି ବି ମନସୁର୍‌ ନାମରେ ଲୁକ୍‌ ଆଉଟ୍‌ ବିଜ୍ଞପ୍ତି ଜାରି କରିଥିଲେ ।

ଏସ୍‌ଆଇଟିର ଅଧିକାରୀମାନେ ପ୍ରଥମେ ମନସୁର୍‌ର ଜେରା କରିବେ ବୋଲି ଏସ୍‌ଆଇଟିର ମୁଖ୍ୟ ରବିକାନ୍ତ ଗୌଡା କହିଛନ୍ତି । ସେ ଦୁବାଇରେ ଲୁଚିଥିବା କଥା ଜଣା ପଡିଥିଲା । ଏସ୍‌ଆଇଟିର ଏକ ଟିମ୍‌ ଦୁବାଇ ଯାଇ ମନସୁର୍‌କୁ ଗିରଫ କରିଥିବା କଥା ସେ ସୂଚନା ଦେଇଛନ୍ତି । ସେ ଦିଲ୍ଲୀରେ ପହଞ୍ଚିବା ପରେ ଇଡିର ଅଧିକାରୀମାନେ ନିଜ ହେପାଜତକୁ ନେଇଥିଲେ ।

IMA ponzi scam case: IMA Founder Mansoor Khan arrested by Enforcement Directorate (ED) at Delhi Airport, early morning today. He is being taken to ED’s office at the MTNL building in Delhi for further questioning. pic.twitter.com/83lThaRWCG

— ANI (@ANI) July 19, 2019

ସୂଚନାଯୋଗ୍ୟ ଇସଲାମିକ୍‌ ବ୍ୟାଙ୍କ ନାମରେ ମନସୁର୍‌ ଖାନ୍‌ ପ୍ରାୟ ୩୦ ହଜାର ମୁଲମାନଙ୍କର ୧୭୦୦ କୋଟି ଟଙ୍କା ଠକି ନେଇଥିବା ଅଭିଯୋଗ ହୋଇଛି । ଆଜି ପର୍ଯ୍ୟନ୍ତ ୩୮ ହଜାରରୁ ଅଧିକ ଲୋକ ମନ୍‌ସୁର୍‌ ନାମରେ ଅଭିଯୋଗ ଦାଖଲ କରି ସାରିଲେଣି । ହାଇକୋର୍ଟରେ ବି ୧୮ଟି ମାମଲା ରୁଜୁ ହୋଇଛି । ଏଥିରେ ଅଧିକାଂଶ ହାଇଦ୍ରାବାଦ, ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ତାମିଲନାଡୁର ନିବେଶକାରୀ ଅଛନ୍ତି ।