ହରଭଙ୍ଗା : ହରଭଙ୍ଗା ବ୍ଲକ ପୁରୁଣା କଟକ ପୁଲିସ ଲୁହା ପାଣି ପାଇପ୍ ଚୋରି ଘଟଣାରେ ୫ଜଣ ଆନ୍ତଃରାଜ୍ୟ ଡକାୟତିଙ୍କୁ ଗିରଫ କରି ସୋମବାର କୋର୍ଟଚାଲାଣ କରିଛି । ସୂଚନା ଅନୁସାରେ ହରଭଙ୍ଗା ବ୍ଲକର ଜନସାଧାରଣଙ୍କ ପିଇବା ପାଣି ସମସ୍ୟା ଦୂରପାଇଁ ଏଲ ଏଣ୍ଡ ଟି କମ୍ପାନୀ ପକ୍ଷରୁ ମେଗା ପାଇପ୍ ଜଳ ଯୋଗାଣ ପ୍ରକଳ୍ପ ନିର୍ମାଣ କାର୍ଯ୍ୟ ଚାଲୁରହିଛି। ଜଳ ଯୋଗାଣ ପାଇଁ ରାସ୍ତାକଡରେ ଶହ ଶହ ସଂଖ୍ୟାରେ ଓଜନିଆ ଲୁହା ପାଣି ପାଇପ୍ ଗଛିତ ରଖାଯାଇଛି । ଚାରିଛକ-ଛତ୍ରଙ୍ଗ ରାସ୍ତାକଡରୁ ଗତ ଗୁରୁବାର ରାତ୍ରୀରେ ଏକ ଟାଟା ୧୫୧୨ ଗାଡି ନମ୍ବର ସି.ଜି ୧୦ବି ଏଚ ୨୮୪୪ ଯୋଗେ ପାଖାପାଖି ୧୪ଖଣ୍ଡ ଲୁହା ପାଣି ପାଇପ୍ ଚୋରାଚାଲାଣ ହେଉଥିବା ଜଣାପଡିଥିଲା । ଏ ସର୍ମ୍ପକରେ ପୁରୁଣା କଟକ ପୁଲିସ ଖବର ପାଇ ଗାଡିଟିକୁ ତେଇସିମାଈଲ ଠାରୁ ଜବତ କରିବା ସହି ଏହି ଘଟଣାରେ ୦୮ଜଣଙ୍କୁ ଅଟକ ରଖି ପଚରାଉଚରା ଚଳେଇଥିଲା । ଏହି ଘଟଣାରେ ସମ୍ପୃକ୍ତ ଥିବା ଛତିଶଗଡ ବିଳାସପୁର ଜିଲ୍ଲା ସପତି ଥାନା ଅଂର୍ନ୍ତଗତ ପୋଣ୍ଡି ଗ୍ରାମର ସୁମନ ଦାସ(୨୨), ଗଞାମ ଜଗନ୍ନାଥ ପ୍ରସାଦ ବେଗୁନିଆ ଗ୍ରାମର ସମୀର ନାଏକ(୨୦), ମୟୁରଭଞ ଜିଲ୍ଲା ବଇସିଂଘା ଥାନା ଅର୍ନ୍ତଗତ ହରିପୁର ଗ୍ରାମର ଦେବ ସିଂ(୫୦) ଛତିଶଗଡ ବିଲାଶପୁର ସଗେଟି ଜିଲ୍ଲା ଅର୍ନ୍ତଗତ ଟିଫ୍ରା ଗ୍ରାମର ଆକାଶ ଦେବଗନ୍ (୩୩), ଖୋର୍ଦ୍ଧା ,ଖଣ୍ଡଗିରି ଥାନା ଅଂଚଳର ଏସ.ଏକ ଅସରଫ (୨୨) ପ୍ରମୁଖ ୫ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ପୁରୁଣା କଟକ ଆଇଆଇସି ଜ୍ୟୋସ୍ନା କାଉଁରୀ ସୂଚନା ଦେଇଛନ୍ତି । ଏହି ମାମଲାରେ ଆହୁରି ଅନେକ ଜଣ ସମ୍ପୃକ୍ତ ଥିବା ପୁଲିସ ପକ୍ଷରୁ ସୂଚନା ମିଳିଛି।
Popular Categories
Previous article
Next article