ଲକ୍ଷ୍ମୀପୁର: କୋରାପୁଟ ରାୟଗଡା ରେଳ ପଥରେ ବାରମ୍ବାର ବିଭିନ୍ନ ଅଘଟଣ ଘଟୁଛି। ଗୁରୁବାର ଦାମନଯୋଡି ନାଲ୍କୋ କମ୍ପାନୀରୁ ଆଲୁମିନା ପାଉଡର ବିଶାଖାପାଟଣା ଯାଉଥିବା ବେଳେ ଲକ୍ଷ୍ମୀପୁର ଷ୍ଟେସନ ପ୍ରାୟ ୧ କିଲୋମିଟର ପୁର୍ବରୁ ଏକ ବ୍ରିଜ ଉପରେ ଦୁଇ ଭାଗ ହୋଇ ଯାଇଥିଲା। ଗାର୍ଡ ବଗି ସହିତ ୧୬ଟି ଟାଙ୍କରକୁ ଛାଡ଼ି ଇଞ୍ଜିନ୍ ସହିତ ଅନ୍ୟ ଟାଙ୍କିର ଗୁଡିକ ଅନେକ ବାଟ ଗଲା ପରେ ଅଟକି ଥିଲା।
ଷ୍ଟେସନ ନିକଟରୁ କିିଛି ମେକାନିକାଲ କର୍ମଚାରୀଙ୍କୁ ଡକାଇ ପ୍ରାୟ ଅଧଘଣ୍ଟାଏ ପରେ ପୁୁଣି ସଂଯୋଗ ହୋଇଥିଲା। ଏହାପରେ ଷ୍ଟେସନ୍ ନିକଟରେ ଗାଡ଼ି ଅଟକାଇବା ପରେ ଗାର୍ଡ ଆସି ଷ୍ଚେସନ ମାଷ୍ଟରଙ୍କ ନିକଟରେ ରିିପୋର୍ଟ କରିଥିଲେ। ବଗିରୁ ଇଞ୍ଜିନ ଅଲଗା ହେବା ଘଟଣାକୁ ଅତି ହାଲୁକା ଭାବେ ନେଇ ଗାର୍ଡ ଓ ଡ୍ରାଇଭର ଏହା ସାଧାରଣ ଘଟଣା ବୋଲି କହିଥିଲେ।
ଏପରିକି ନାଲକୋ ଠାରେ ଠିକ୍ ଭାବେ ଟାଙ୍କର ଗୁଡିକ ବୋଧହୁଏ ସଂଯୋଗ କରାଯାଇ ନଥିଲା, ଯାହା ଫଳରେ ଏ ଭଳି ଘଟଣା ଘଟିଲା। ଏପରିକି ନାଲକୋ କମ୍ପାନୀର ମେକାନିକାଲ ଷ୍ଟାଫଙ୍କ ଭୁଲ୍ ପାଇଁ ଏଭଳି ହୋଇଛି ବୋଲି ଏସଏମ କହିଥିଲେ।
ତେବେ ବ୍ରିଜ୍ ଉପରେ ଏଭଳି ହୋଇଥିଲେ ମଧ୍ୟ ଭାଗ୍ୟ ବଶତଃ ଲାଇନ୍ ଚ୍ୟୁତ ହୋଇ ନଥିଲା। କିନ୍ତୁ ସାଧାରଣ କଥା କହିବା କେତେ ଦୂର ଯଥାର୍ଥ। ଏହାଦାୟିତ୍ବ ହୀନ ମନ୍ତବ୍ୟ ପରି ମନେ ହେଉଛି। ସେହିପରି କେଆର୍ ଲାଇନ୍ରେ ଏଭଳି ବାରମ୍ବାର ଅଘଟଣ ଖଟୁଥିବା ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି।
