ରାଞ୍ଚି: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳ ସଭାପତି ଲାଲୁ ଯାଦବଙ୍କର କରୋନା ପରୀକ୍ଷା ହୋଇପାରେ । ଲାଲୁଙ୍କୁ ଚିକିତ୍ସା କରୁଥିବା ଡ଼ାକ୍ତର ଅନ୍ୟ ଜଣେ କରୋନା ସଂକ୍ରମିତଙ୍କ ସଂସ୍ପର୍ଶରେ ଆସିବା ପରେ ଡ଼ାକ୍ତରଖାନା କର୍ତ୍ତୃପକ୍ଷ ଏ ସମ୍ପର୍କରେ ଗୁରୁତର ଚିନ୍ତା କରୁଥିବା ସୂଚନା ମିଳିଛି । ରାଞ୍ଚି ଅନ୍ତର୍ଗତ ରିମସ ଡ଼ାକ୍ତରଖାନାରେ ଲାଲୁ ଯାଦବ ଚିକିତ୍ସିତ ହେଉଛନ୍ତି । ସେଠାରେ ଯେଉଁ ଡ଼ାକ୍ତର ତାଙ୍କର ଚିକିତ୍ସା ଦାୟିତ୍ବରେ ଅଛନ୍ତି ସେ ଯେଉଁ ରୋଗୀଙ୍କୁ ଚିକିତ୍ସା କରୁଛନ୍ତି ସେମାନଙ୍କ ମଧ୍ୟରେ ଜଣେ କରୋନା ସଂକ୍ରମିତ ଥିବା ଜଣାପଡ଼ିଛି । ଏହାପରେ ଡ଼ାକ୍ତରଖାନା କର୍ତ୍ତୃପକ୍ଷ ସମ୍ପୃକ୍ତ ଡ଼ାକ୍ତର ଓ ତାଙ୍କର ସମସ୍ତ ସହଯୋଗୀ କର୍ମଚାରୀଙ୍କ ନମୁନା ପରୀକ୍ଷା ପାଇଁ ପଠାଇଛନ୍ତି । ନିଜେ ଡ଼ାକ୍ତର ମଧ୍ୟ ସଙ୍ଗରୋଧରେ ଅଛନ୍ତି । ଡ଼ାକ୍ତରଖାନା ଅଧୀକ୍ଷକ ବିବେକ କଶ୍ୟପ କହିଛନ୍ତି, ଯଦି ଆବଶ୍ୟକ ମନେହୁଏ ତେବେ ଲାଲୁ ପ୍ରସାଦ ଯାଦବଙ୍କର ମଧ୍ୟ ନମୁନା ନିଆଯିବ । କରୋନା ସଂକ୍ରମଣ ଯାଞ୍ଚ କରାଯିବ। ସେ କହିଛନ୍ତି, ଆମେ କୌଣସି ପ୍ରକାର ବିପଦରେ ପଡିବାକୁ ଚାହୁଁନୁ ତେଣୁ ସମ୍ପୂର୍ଣ୍ଣ ଭାବରେ ସବୁପ୍ରକାର ପଦକ୍ଷେପ ନିଆଯିବ ।
Popular Categories
Previous article
Next article