ହାଇଦରାବାଦ: ସୁପରଷ୍ଟାର ରଜନୀକାନ୍ତଙ୍କ ଝିଅ ଐଶ୍ବର୍ଯ୍ୟାଙ୍କ ନିର୍ଦେଶନାରେ ନିର୍ମିତ ଚଳଚ୍ଚିତ୍ର ‘ଲାଲ ସଲାମ’ ମୁକ୍ତିଲାଭ କରିବାକୁ ଆଉ ମାତ୍ର କିଛି ଦିନ ବାକି। ଇତି ମଧ୍ୟରେ ନିର୍ମାତା ଏହା ଟ୍ରେଲର ରିଲିଜ୍ କରିଛନ୍ତି, ଯାହା ସାମାଜିକ ଗଣମାଧ୍ୟମରେ ବେଶ୍ ଭାଇରାଲ୍ ହୋଇଛି। ଫିଲ୍ମରେ ବିକ୍ରାନ୍ତ ଓ ବିଷ୍ଣୁ ମୁଖ୍ୟ ଚରିତ୍ରରେ ଅଭିନୟ କରିଛନ୍ତି। ରଜନୀକାନ୍ତ ମଧ୍ୟ ତାଙ୍କ ଝିଅ ଫିଲ୍ମରେ ନଜର ଆସିବେ। ତେବେ ଚଳଚ୍ଚିତ୍ରରେ ତାଙ୍କୁ ସ୍ବଳ୍ପ ସମୟ ପାଇଁ ଦେଖିବାକୁ ମିଳିବ ବୋଲି ଜଣାପଡ଼ିଛି।
ଟ୍ରେଲର ତାମିଲ ଭାଷାରେ ମୁକ୍ତିଲାଭ କରିଛି, ଯାହା କ୍ରିକେଟ୍ ଡ୍ରାମା ସହିତ ଧର୍ମ, ରାଜନୀତି ଏବଂ କ୍ଷମତା ଭଳି ବିଷୟବସ୍ତୁକୁ ଦର୍ଶାଇଛି। ଚଳଚ୍ଚିତ୍ରର ମୁଖ୍ୟ କଳାକାର ବିକ୍ରାନ୍ତ ଓ ବିଷ୍ଣୁ ବିଶାଲଙ୍କୁ କ୍ରିକେଟର ଭୂମିକାରେ ଦେଖିବାକୁ ମିଳିଛି। ଟ୍ରେଲରରେ କ୍ରିକେଟ କିମ୍ବଦନ୍ତୀ କପିଲ ଦେବଙ୍କ ଝଲକ୍ ମଧ୍ୟ ଦେଖିବାକୁ ମିଳିଛି। ଓସ୍କାର ବିଜେତା ସଙ୍ଗୀତକାର ଏଆର ରହମାନ ଏଥିରେ ସଙ୍ଗୀତ ଦେଇଛନ୍ତି। ଫେବୃଆରୀ ୯ ତାରିଖରେ ତାମିଲ, ତେଲୁଗୁ, ହିନ୍ଦୀ, ମାଲାୟାଲମ ଓ କନ୍ନଡ଼ ଭାଷାରେ ପ୍ରୋକ୍ଷାଳୟକୁ ଆସିବ ‘ଲାଲ ସଲାମ’ ।
https://youtu.be/-lpb8tNFvYA
