ହରଭଙ୍ଗା : ହରଭଙ୍ଗା-କୁଶାସିଙ୍ଗା ଜଗନ୍ନାଥ ସଡକରେ ଶଗଡିଆ ନାଳ ଉପରେ ନିର୍ମାଣଧିନ ବିଜୁସେତୁ ଆପ୍ରୋଚ ରାସ୍ତାର ଉଭୟ ପଟରେ ଫାଟ ସୃଷ୍ଟି ହୋଇଛି । ସେତୁ ଛାତ ସହିତ ଆପ୍ରୋଚ ରାସ୍ତାର ତାଳମେଳ ନଥିବାରୁ ବହୁସମୟରେ ସାଧାରଣ ଯାତ୍ରୀ ଦୁର୍ଘଟଣାର ଶୀକାର ହେଉଥିବା ଦେଖିବାକୁ ମିଳିଛି । ପ୍ରକାଶ ଯେ ବହୁତଦିନର ଦାବିପରେ ହରଭଙ୍ଗା-କୁଶାସିଙ୍ଗା ଜଗନ୍ନାଥ ସଡକର ଶଗଡିଆ ନାଳ ଉପରେ ଏକ ବିଜୁସେତୁ ନିର୍ମାଣ କରାଯାଇଛି। ଫଳରେ ଦୁଇବର୍ଷ ହେଲା ହରଭଙ୍ଗା-କୁଶାସିଙ୍ଗା-କୁଶଙ୍ଗ-ତିରଡ-ଭାଗାମୁଣ୍ଡା-ଅଯୋଧ୍ୟା ଭଳି ଅନେକ ଗ୍ରାମବାସୀଙ୍କ ପାଇଁ ବର୍ଷାଦିନେ ଯାତାୟତ ସୁବିଧା ହୋଇପାରିଛି । ଏହି ସେତୁ ନିର୍ମାଣ ପରେ ଲୋକଙ୍କ ଗମନାଗମନ ପାଇଁ ବେଶ ସୁବିଧା ହୋଇପାରିଛି । ମାତ୍ର ସେତୁ ଦୁଇପାର୍ଶ୍ବର ଆପ୍ରୋଚ ରାସ୍ତା ନଷ୍ଟ ସାଙ୍ଗକୁ ଛାତ ସହିତ ରାସ୍ତାର ତାଳମେଳ ରହୁନାହିଁ। ଯାହାଫଳରେ ଏବେ ଏହା ପଥଚାରୀଙ୍କ ପାଇଁ ମରଣଯନ୍ତା ପାଲଟିଛି। ତୁରନ୍ତ ଏ ଦିଗରେ ବିଭାଗୀୟ କର୍ତ୍ତୃପକ୍ଷ ସ୍ୱତନ୍ତ୍ର ଦୃଷ୍ଟି ଦେବାକୁ ଦାବୀ ହେଉଛି।
Comments are closed.