କୁଚିଣ୍ଡା: କୁଚିଣ୍ଡା ଥାନା ଡିମିରିମୁଣ୍ଡା ଗ୍ରାମପଞ୍ଚାୟତ ବାମଣ୍ଡାଗଡ ପୋଷ୍ଟଅଫିସରରେ ଅବସ୍ଥାପିତ ଜନୈକ କର୍ମଚାରୀ ଜମାକାରୀଙ୍କ ଲକ୍ଷାଧିକ ଟଙ୍କା ପୋଷ୍ଟଅଫିସରେ ଜମା କରିବା ପରିବର୍ତ୍ତେ ଆତ୍ମସାତ କରିଥିବା ଗୁରୁତର ଅଭିଯୋଗ ହୋଇଛି । ଜମନକିରା ବ୍ଲକ ଡିମିରିମୁଣ୍ଡା ପଞ୍ଚାୟତ ବାମଣ୍ଡାଗଡ ଗାଁ ଏକ ଆଭ୍ୟନ୍ତରୀଣ ଗାଁ ଭାବେ ପରିଚିତ । ସେଠାରେ ଥିବା ଡାକ ଘର ଉପରେ ବାମଣ୍ଡାଗଡ,ଲେପେଇକାନି, ବାବେଜୋରି, କରଙ୍ଗାମାଲ ଆଦି ଅଧିବାସୀ ନିର୍ଭର କରିଥାନ୍ତି । ସେଠାରେ ବହୁ ଲୋକ ନିୟମିତ ଭାବେ ଟଙ୍କା ଜମାକରୁଥିଲେ । ମାତ୍ର ସେଠାରେ ଥିବା ଡାକ କର୍ମଚାରୀ କୁଆଡେ ଉକ୍ତ ଜମା ଅର୍ଥକୁ ଆତ୍ମସାତ କରିଥିବା ଅଭିଯୋଗ ହୋଇଛି । ଦିର୍ଘମାସ ଅପେକ୍ଷା କରିବା ପରେ ସଂପୃକ୍ତ ଗାଁ ଗୁଡିକର ଜମାକାରୀ ମାନେ ଉଚ୍ଚକର୍ତ୍ତୃପକ୍ଷଙ୍କୁ ଅବଗତ କରି କର୍ମଚାରୀ ହୀରାଧର ସାହୁଙ୍କ ବିରୋଧରେ କାର୍ଯ୍ୟାନୁଷ୍ଠାନ ସହ ଟଙ୍କା ଫେରେଇବାକୁ ଅନୁରୋଧ କରିଥିଲେ । ମାତ୍ର ଏଦିଗରେ ବିଶେଷ ଫଳପ୍ରଦ ନହେବାରୁ ଆଜି ବାମଣ୍ଡାଗଡ, ଲେପେଇକାନି ଗ୍ରାମର ଜମାକରୀ ମାନେ କୁଚିଣ୍ଡା ଥାନାରେ ଲିଖିତ ଅଭିଯୋଗ କରି ବରଗଡ ଅଞ୍ଚଳର ହୀରଧର ସାହୁଙ୍କୁ ତୁରନ୍ତ ଗିରଫ କରିବାକୁ ଦାବି କରି ତାଙ୍କୁ ଜମା ଅର୍ଥ ଫେରେଇବାକୁ ଅନୁରୋଧ କରିଛନ୍ତି ।
Popular Categories
Previous article
Next article